Ég minni á fundinn í kvöld sem boðaður er hér að ofan í feitletri.
~~~ ~~~ ~~~ ~~~
Einar Karl Haraldsson skrifar grein í Moggann í dag. Ég get ekki að því gert, en alltaf þegar ég sé nafn Einars rifjast upp fyrir mér bæklingur frá honum í prófkjöri, sem innihélt sprenghlægilegt (aðhlægilegt semsagt...) viðtal Hrafns Jökulssonar við Einar sjálfan. Í því dró Einar upp ótrúverðuga mynd af sér sem skrautlegum en ábyggilegum karakter, en upp úr stóð samt þetta:

Hrafn: Einar, eru kommúnisti?
Einar: Ég er kristilegur félagskrati með trú á markaðssamfélag.

Þvílíkur meistari!
~~~ ~~~ ~~~ ~~~
Rumsfeld’s mission to Baghdad: keeping Saddam’s secret police in power
~~~ ~~~ ~~~ ~~~
Í DV í dag er viðtal, á bls. 17, við Óla Gneista, einn af forsprökkum Vantrúar. Ágætt viðtal þar á ferð.
~~~ ~~~ ~~~ ~~~
Mordechai Vanunu, píslarvottur baráttunnar gegn útbreiðslu kjarnorkuvopna, er dreginn aftur fyrir rétt vegna meintrar borgaralegrar óhlýðni. Er hægt að ætlast til þess að menn fylgi reglum sem brjóta á mannréttindum þeirra? Ég segi NEI! Dæmi um borgaralega óhlýðni Vanunus má sjá hér, þar sem hann brýtur bann við því að hitta erlenda ríkisborgara eða tala við þá.

Reykbann á kaffihúsi
-- afstaða hins frjálslynda marxista

Tesa 1: Einkaeignarrétturinn er mannasetning. Hann er ekki náttúrulögmál, guð bjó hann ekki til, og hann er ekki sjálfsagður. Hann er mannasetning.

Tesa 2: Atvinnuvegi þarf að reka með þarfir fólks í fyrirrúmi, ekki ávöxtunarkröfur fjármagnseigenda. Aðeins þannig má tryggja öllum aðgang að lífsviðurværi og koma í veg fyrir bruðl.

Reglur um reykingar á kaffihúsum eru það sem ég þarf að létta á mér með. Það stendur til að banna reykingar á kaffihúsum. Ég er á móti því að ríkisvaldið banni þær algjörlega. Ég tel reykreglur á kaffihúsum ekki koma ríkisvaldinu við. Ég get samt ekki fallist á að þau mótrök hægrimanna, að kaffihúsið sé í einkaeign, séu gild mótrök. Að mínu mati ætti ákvörðunin að vera tekin af þeim sem hún kemur við, það er að segja, þeim sem ákvörðunin snertir. Það eru þá annars vegar þeir sem vinna á kaffihúsinu, hins vegar þeir sem eiga viðskipti við það. Þar við bætist sá sem á kaffihúsið, sem hlýtur að reyna að græða á báðum hinum. Þeir sem vinna á kaffihúsinu geta varla ráðið yfir því nema þeir séu jafnframt eigendur þess, þannig að ég sé ekki að einfalt sé að leysa þetta nema kaffihúsið sé samvinnurekið.

En á meðan samvinnurekin kaffihús fyrirfinnast varla ... þá fellst ég á að þeir sem vinna þar hafi, eins og annað vinnandi fólk, rétt til að sæta ekki heilsuspillandi starfsumhverfi af hálfu vinnuveitanda. Ef starfsfólkið samþykkir -- ótilneytt og af eigin hvötum -- að á kaffihúsinu séu reykingar heimilar, þá sé ég ekki að neinum sé stætt á að banna það. Það er hins vegar vafasamara, að eigandi sem vinnur ekki þar sjálfur (og einn), hafi mikinn rétt til að ákveða þetta.

Samfélagið getur sett sér reglur um hvernig hlutirnir eiga að vera. Þær reglur geta brotið í bága við einkaeignarrétt ef almannahagsmunir krefjast þess -- enda er einkaeignarrétturinn, eins og ég sagði í byrjun, ekki annað en mannasetning. Það sem meira er, þeir sem græða á að einkaeignarrétturinn sé í hávegum hafður eru einkum þeir ríkustu -- sem jafnframt hafa töglin og hagldirnar í ríkisvaldinu -- sem aftur gengur umfram annað út á að tryggja einkaeign. Tryggja mannasetningu sem gagnast fáum en skaðar marga. Tryggja forréttindi fámennrar elítu fyrir hagsmunum fjöldans.

Aftur að fyrirhuguðu reykbanni. Ríkisvaldið er ekki það sama og samfélagið, en stundum tekur ríkisvaldið vissulega að sér að gera það sem samfélagið hagnast á eða vill. Heilsusamlegt vinnuumhverfi er óneitanlega nokkuð sem má telja hagstætt ...

Kaffihús í einkaeigu eru háð sama annmarka og svo margt annað í einkaeigu: Hagsmunir stangast á. Andstæðir hagsmunir eiganda og starfsmanns kaffihúss eru, í eðli sínu, ósættanlegir. Hér er á ferðinni ekkert annað en smækkuð mynd af stéttaandstæðum þjóðfélagsins sjálfs. Stéttaandstæðurnar eru ósættanlegar -- og þess vegna þarf ríkisvaldið til að breiða yfir þær -- með ofbeldi. Það er ekkert annað en ofbeldi að neyða mann til að vinna í reyk ef hann vill það ekki sjálfur -- og það er ekkert annað en ofbeldi að banna kaffihúsaeiganda að ráða í sínum húsum. Það þarf að höggva á hnútinn með ofbeldisaðgerð: Lagasetningu. Lögin sætta ekki andstæðurnar; ef það væri hægt að sætta andstæðurnar þyrfti ekki lög. Lögin eru aðferð annars hagsmunaaðilans til að hafa sitt fram.

Andstæða hagsmuni eiganda og starfsmanns er ekki hægt að sætta. Hins vegar er hægt að leiða andstæðuna til lykta, og það er ekki einu sinni svo flókið: Allt sem þarf er að eigandi og starfsmaður sé sami aðilinn. Hann þarf þá ekki að hugsa um hagsmunina nema út frá sjálfum sér, og stéttaandstæðurnar eru úr sögunni. Það er frábært þegar litlir hnútar í samfélaginu eru leystir með stofnun samvinnurekinna fyrirtækja eða öðrum sósíalískum rekstri. Það er frábært. Það er ennþá frábærara ef hægt er að koma þeirri breytingu í kring í öllu samfélaginu: Þegar einkaeign heyrir sögunni til, og samvinnu- og sameignarrekstur er normið, þá heyrir og efnahagsleg stéttaskipting sögunni til, stéttaandstæðurnar eru leiddar til lykta með því að stéttunum er útrýmt. Það ferli er það sem vér köllum byltingu. Svo ég svari spurningunni áður en hún er borin upp: Nei, ég er ekki að tala um að skjóta alla kapítalistana í hausinn. Ég er að tala um að keppa þá út af markaðnum sem kapítalista. Afnema einkaeignina, en í stað komi sameign. (Ha, stela bara af kapítalistunum? Nei, kjáni!) Einkaeignarrétturinn, aftur á móti, er annað mál. Ef frjálslyndur sósíalismi er jafn góð hugmynd og ég held að hann sé, þá mun spurningin um einkaeignarréttinn svara sér sjálf í fyllingu tímans. Ef sameignarfyrirkomulag er betra, þá virkar það af sjálfu sér og verður normið - og þegar einkaeign sem slík er orðin að gamaldags sérviskuhætti er einkaeignarrétturinn ekki lengur svo merkilegt spursmál.

En byltingin er nú ekki byrjuð. Hvernig leysum við þessa reykingaþrætu án þess að til þurfi byltingu?

Ja, ég sting upp á þessari málamiðlun: Kaffihúsaeigendum verði heimilt að leyfa reykingar í einangruðum, vel loftræstum hluta kaffihússins, gegn því að þeir greiði fyrir það gjald (sbr. vínveitingaleyfi) og setji upp merkingu utan á kaffihúsið: Varúð, hér má reykja.

Málið leyst.

Í sunnudagsmogganum var ágæt grein um Nepal og ástandið þar. Ég held að greinarhöfundi hafi tekist vel upp með að skrifa grein sem var í senn fróðleg og sanngjörn. Maóistar hafa nú lag sem aldrei fyrr. Það er umhugsunarefni að þeir skuli ekki láta til skarar skríða og taka þetta með einu roknaáhlaupi. Kannski að þeim finnist ekki á það hættandi að leggja allt undir ... kannski að þeim finnist það skynsamlegra að vinna fleiri smærri en öruggari sigra, vinna smám saman á. Kannski að þeir séu að sýna þolinmæði sína og yfirvegun. Kannski að þeir séu að sýna á sér veikleikamerki. Ég hef tekið þann pól í hæðina að trúa ekki orði sem Gorkhapatra-fréttastofa nepölsku krúnunnar segir. Það er nú ljóta spunameistarakvörnin. Nema hvað þeir eru engir sérstakir meistarar. Varla telst það vel spunnið, þegar leikmenn hinu megin á hnettinum sjá í gegn um það, eða hvað?
Ég efast um að nokkuð sé til í fréttum Gorkhapatra af klofningi í röðum maóista. Hins vegar er því ekki að neita að maður verður hugsi yfir því að þeir skuli ekki gefa allt í botn. Á laugardaginn fyrir viku lýstu þeir yfir 11 daga allsherjarverkfalli ... og maður hefði líklega meiri spurnir af því ef það gengi vel, ekki satt? Farsímakerfið er ennþá í lamasessi og boðleiðir tepptar ... þannig að kóordinasjón maóista er slegin út af laginu. En ég er hræddur um að málið eigi sér aðra skýringu, semsé þá, að Prachanda, Bhattarai og félagar hafi misreiknað sig í taktískum ákvörðunum. Ég hef það t.d. á tilfinningunni að meiri virðing fyrir mannréttindum hefði skilað sér margfalt í auknu fylgi. Sama má segja um alvöru lýðræði innan flokks og utan. Án þess að ég þekki til þess í smáatriðum, þá efast ég um að "lýðræðislegt miðstjórnarvald" hafi gefist mikið betur í CPN(M) en öðrum flokkum ... og ég geri ekki ráð fyrir því að þorpsbúum haldist uppi að vilja bara lifa sínu lífi í friði. Það má þræta fram og til baka um að nauðsyn brjóti lög, að hagsmunir heildarinnar gangi fyrir, að í miðri byltingu verði herinn að vera samhentur o.s.frv. og kannski er það alveg rétt. Kannski. Þegar öllu er á botninn hvolft þykir mér það samt dapurlegt, ef virðingarleysi fyrir mannréttindum verður þess valdandi að byltingin misheppnist. Ef bylting yrði farsæl þrátt fyrir einhver mannréttindabrot ... þá mætti kannski líta á það út frá hagsmunum heildarinnar. Ef byltingin yrði ekki sigursæl en byltingarmannanna yrði minnst með hlýju og aðdáun næstu áratugina, þá hefðu þeir líka unnið eins konar sigur, þótt ekki hefði hann verið á vígvellinum. En ef saman fara ónóg virðing fyrir mannréttindum og óyfirstíganlegir erfiðleikar sem keyra byltinguna út af sporinu ... þá tapa einfaldlega allir.

Ein af uppáhalds Biblíutilvitnunum mínum er þessi:

Og ávöxtur réttlætisins skal vera friður, og árangur réttlætisins rósemi og öruggleiki að eilífu. (Jesaja 32:17)

Í þessari frétt er sagt:

Miklar öryggisráðstafanir komu í veg fyrir að ísraelskir öfgamenn héldu fund á Musterishæðinni í Jerúsalem í morgun. ... Einungis múslimum er heimilt að fara á hæðina til bæna. Þeir verða að vera orðnir fertugir til að fá aðgang.

Þarna hefði nú mátt vanda betur til. Ástæðan fyrir því að þeir verði að vera orðnir fertugir er nefnilega sú, að Ísraelar banna fólki undir fertugu aðgang að hæðinni!

Hmm ... lesið þennan pistil Hreins Hjartahlýs. Egill Helgason var ekki beint að fá plús í kladdann núna. Ekki frekar en í umræðunni um kristniboð í grunnskólum. Æi, hann Egill er stundum á hálum ís.

Þetta er nú bara óhugnanlegt. Best að yfirvöld hafi óskoraðar heimildir til að hnýsast í einkalíf fólks. "Þeir sem hafa ekkert að fela hafa ekkert að óttast krakkar." "Stóri bróðir er vinur þinn."

"Saddam reyndi að kaupa úraníumgrýti frá Níger" sögðu menn í aðdraganda Íraksstríðsins, og höfðu sem heimild skjöl sem fljótlega kom á daginn að voru fölsuð. Þau voru meira að segja fölsuð á bréfsefni merkt embættismanni sem var ekki lengur í því embætti þegar skjölin voru dagsett. Sagt var að skjölin hefðu verið fölsuð í Níger, og þegar flett var ofan af fölsuninni brást Bushöstjórnin við með því að fletta á móti ofan af sínum eigin diplómata/njósnara sem hafði uppgötvað fölsunina. M.ö.o. sendiboðanum var refsað. En hvar liggur hundurinn grafinn? Voru skjölin kannski ekki fölsuð í Níger, heldur í Bandaríkjunum sjálfum? Þeirri spurningu er velt upp í þessari grein.
~~~ ~~~ ~~~ ~~~
Einar Ólafsson skrifaði komment:

Kjarni málsins er ... að atvinnuvegirnir eiga að þjóna fólkinu. En mér finnst þetta tímabær pæling hjá þér með ríkið, sú var tíðin að menn ræddu um stéttareðli ríkisins en sú umræða hefur lognast út af án þess séð verði að neitt hafi breyst nema þá helst að sjaldan hefur ríkisvaldinu verið beitt jafn markvisst víðast hvar í þágu borgarastéttarinnar og á undanförnum aldarfjórðungi.

...og ég svaraði:
Einmitt. Hvað sem einstökum ríkisstjórnum kann að líða, þá hlýtur ríkisrekstur að hafa þennan innbyggða galla. Mér þætti það ávinningur í sjálfu sér ef hægt væri að reka atvinnuvegi af almenningi og fyrir almenning, en tengja framhjá ríkisvaldinu.
Ríkisvaldið, framkvæmdanefnd valdastéttarinnar, er ekki vinur okkar.
Það kann að vera að vingjarnleg ríkisstjórn komist til valda og geri eitthvað jákvætt með ríkisvaldinu. Það breytir ekki sjálfu eðli þess, sem er að það er tæki til stéttardrottnunar. Borgaralegt ríkisvald er hannað með þarfir borgarastéttarinnar í huga ... það þjónar hennar hagsmunum vegna þess að það er hannað til að gera það. Atvinnuvegir í þágu almennings eru betur reknir af almenningi sjálfum, án milligöngu ríkisvaldsins. Hvernig er það best úrfært? Ég get ekki svarað því sisona .. það eru sjálfsagt ýmsar leiðir færar. Í tilfelli Símans þætti mér það reynandi, að hann væri rekinn sem lýðræðislegt fyrirtæki, þar sem almenningur ætti auðvelt með að koma að því og hver hefði aðeins eitt atkvæði.
~~~ ~~~ ~~~ ~~~

Now I shall ask you to imagine how/ Men under discipline of death prepare for war./ There is much more to it than armament/ . . . and for a while they join a terrible equality;/ Are virtuous, self-sacrificing, free;/ And so insidious is this liberty/ That those surviving it will bear/ An even greater servitude to its root:/ Believing they were whole, while they were brave;/ That they were rich because their loot was great;/ That war was meaningful because they lost their friends
: Homer - Source: War Music A verse translation of Books 16 - 19 of the Illiad by Christopher Logue. 1981. King Penguin.

Skemmtikvöld Hins íslenska tröllavinafélags í Snarrót

Að kveldi laugardags komanda, níunda dag aprílmánaðar, verður lítils háttar skemmtikvöld á snærum Hins íslenska tröllavinafélags. Það verður haldið í félagsmiðstöðinni Snarrót í Garðastræti 2 (101 Rvk) og hefst klukkan 20:00 stundvíslega. Fyrst verða sýndar myndir úr sögulegri og frækilegri ferð félagsmanna á slóðir Jóru tröllkonu þann 12. mars sl., en um þá ferð eiga þulir eftir að kveða söguljóð meðan land er byggt. Að myndasýningunni lokinni verður sýnd kvikmynd. "Hvaða kvikmynd?" spyrjið þið ... þið ykkar komist að því sem mætið á kvöldið... Það er von okkar að sem flestir mæti. Burtséð frá sýningunum tveim verða fundargögn höfð um hönd. Dolla verður látin ganga fyrir frjáls framlög, en rukkað um symbólska upphæð fyrir fundargögnin. Heimilt er að mæta með sín eigin fundargögn (þið þurfið samt ekki að koma með blýanta eða strokleður).

Næsta miðvikudag, 14. apríl, verður fundur um málefni Símans. Hann hefst klukkan 20:00. Rætt verður um Símann og fyrirhugaða einkavæðingu á honum. Hvað skal til bragðs taka? Á að reyna að krefjast þjóðaratkvæðagreiðslu? Á að stofna félag um þjóðnýtingu Símans og reyna að kaupa hann eða hlut í honum þegar ríkið selur sinn hlut? Þetta verður rætt og kannski fleira. Ákveðinn verður framhaldsfundur ef ástæða þykir til. Fólk er hvatt til að mæta.
Sjá einnig www.snarrot.net.

Lengi lifir í ...

Kötturinn Pamína er á fimmtánda aldursári, gotin 1990, sannkallað svaðaketti til margra ára en mýkist á gamals aldri. Það er ennþá leikur í þessum gamla veiðiketti, og gaman að fylgjast með henni hendast um húsið í eltingaleik við samankrippluð pappírssnifsi, í miklum ham. Við tókum eina þannig syrpu í gær, kötturinn og við bræðurnir ... og kom mér þá orðaleikur í hug.

Lengi lifir í gömlum læðum.

Hoho.

Hér með lýsi ég eftir fólki, áhugasömu um að Síminn verði í þjóðareign án milligöngu ríkisvaldsins. Hugmyndin er að stofna félag um þjóðnýtingu Símans. Áhugasamir vinsamlegast láti vita: vangaveltur@yahoo.com.
~~~ ~~~ ~~~ ~~~
"Kárahnjúkasvæðið ekki eins stöðugt og talið var" með tilliti til jarðhræringa. Þetta hef ég vitað í 2 eða 3 ár. Er þetta að koma mönnum á óvart núna? Menn hefðu alveg getað hugsað sig aðeins betur um áður en þeir óðu út í þetta. Nei, það má ekki hlusta á kommana. Bannsetta kommana.
~~~ ~~~ ~~~ ~~~
Hér er minningargrein um páfann, sem ég mæli með að fólk lesi.
~~~ ~~~ ~~~ ~~~

An evil exists that threatens every man, woman, and child of this great nation. We must take steps to ensure our domestic security and protect our homeland: Adolph Hitler : In 1933, Hitler used the burning of the Reichstag as a pretext to push through emergency decrees suspending the basic civil liberties of German citizens. The "emergency" decrees remained in effect until the fall of the Third Reich in 1945.

~~~ ~~~ ~~~ ~~~
Írösk andspyrnuhreyfing segist hafa drepið æðsta skuggabaldur CIA í Írak í desember sl., mann sem þóttist vera í Írak í viðskiptaerindum, en hafi í raun verið CIA-foringi bak við tjöldin. Sjá yfirlýsingu hér.
~~~ ~~~ ~~~ ~~~
Mashkadov gaf lífvörðum sínum fyrirmæli um að drepa sig frekar en að láta sig falla lifandi í hendur Rússum.
~~~ ~~~ ~~~ ~~~
Seðlabankastjóri Bandaríkjanna, Alan Greenspan, ber sig mannalega þrátt fyrir dæmalaust hátt verð á olíu, sem sér ekki fyrir endann á. Greenspan er enginn heimskingi. Hann veit vel hvað það þýðir fyrir efnahags heimsins, ef framboð á ódýrri olíu þverr skyndilega. Sem mun gerast í náinni framtíð. Það, að hann skuli bera sig mannalega, er ills viti. Er hann að vera macho? Er hann í veruleikafirrtri afneitun? Eða skirrist hann ekki við að fara vísvitandi með rangt mál? Ég veit ekki hver þessara möguleika væri verstur .....

Síminn, einkavæðing, ríkisrekstur eða þjóðnýting?

Þetta mál með Símann hefur vakið mig til umhugsunar um þjóðnýtingu. Að mínu mati er þjóðnýting hið besta mál ef hún fer rétt fram. Dæmi um þjóðnýtingu sem færi rétt fram væri ef ríkið seldi Símann félagi sem hefði alla Íslendinga eða alla viðskiptavini Símans sem meðlimi. Kannski að það væri sniðugt að stofna það félag núna strax? Félag íslenskra símnotenda? Hvernig hljómar það? Félag með 150.000 meðlimi þar sem hver hefur eitt atkvæði og kjörin stjórn annast umsjón félagsins og reynir að kaupa Símann af ríkinu og reka hann sem sameignarfyrirtæki allra þjóðarinnar? Eiginlegur rekstur fyrirtækisins yrði líklega með svipuðu móti og hann er núna. Andskotinn, þetta er flott hugmynd! Kannski að þarna liggi bara hundurinn grafinn? Þjóðnýtum Símann! Þeir sem hafa áhuga á að vera með í að stofna þetta félag óska ég eftir að hafi samband hið fyrsta: vangaveltur@yahoo.com ...þetta kallar á að höfuðið sé lagt í bleyti!

Um fyrirhugaða sölu Símans

Nú á að selja Símann. Ég sé ekki hvers vegna þess ætti að þurfa. Vinstri-grænir vilja þjóðaratkvæðagreiðslu um málið ... og ég tek undir það. Þjóðaratkvæðagreiðsla væri ágæt, svona til tilbreytingar. En hvers vegna ættu hinir háu herrar að efna til hennar? Hún er svo dýr. Kostar margar milljónir. Svo er hún líka ástæðulaus. "L'état, c'est moi" heyrist mér foringinn segja. Er það svo nokkuð annað en útfærsluatriði, hvaða fálmari á auðvaldinu það er sem stýrir þessu? Hvort það er sá hluti valdastéttarinnar sem situr í holdi og blóði í ráðherrastól og gerir vinum sínum gott -- eða sá hluti hennar sem situr í forstjórastól og gerir vinum sínum gott -- það breytir kannski ekki öllu. Lítill munur á kúk og skít.
Einn af þeim sem hafa tjáð sig um söluna er minn kæri Sigurður Hólm á Skoðun.is. Ég má til með að leggja út af nokkrum orðum hans sem ég er ósammála:

Yfirvöld hafa ekkert að gera með því að reka símafyrirtæki í samkeppnisrekstri.

Þessi mantra hefur verið endurtekin svo oft að fólk kinkar ósjálfrátt kolli þegar hún er höfð yfir. Hver segir að hið opinbera ætti að halda sig fjarri atvinnuvegunum? Hver segir það? Hver segir að atvinnuvegirnir séu í alvörunni betur komnir hjá kapítalistum? Að mínum dómi eiga atvinnuvegirnir að þjóna fólkinu í landinu, ekki auðmagni fámennrar elítu. Eina leiðin til að þeir þjóni almenningi í alvörunni er að almenningur eigi þá sjálfur. Og nú kemur hið áhugaverða twist: Ég held að ef atvinnuvegirnir eru í ríkisrekstri í borgaralegu, kapítalísku ríki eins og Íslandi, þá séu þeir einmitt ekki reknir í þágu almennings í raun. Atvinnuvegir í eigu einkaauðmagns eru slæmir ... en atvinnuvegir í eigu opinbers auðmagns eru slæmir líka, þótt þeir séu að sumu leyti skárri. Þeir eru undir stjórn ríkisvaldsins -- og ríkisvaldið er ekkert annað en framkvæmdanefnd auðvaldsins. Munurinn á fyrirtæki í einkaeign og fyrirtæki í ríkiseign er að það sem er í einkaeign er í eigu eins eða fárra kapítalista, meðan það sem er í ríkiseign er í eigu kapítalistastéttarinnar í heild, en ég kem að þriðja möguleikanum síðar. Pétur Blöndal (eins ósammála honum og ég er að mörgu leyti, þá kann ég að meta hreinskilni hans) hitti í mark um daginn þegar hann sagði að Landsíminn væri ekki eign þjóðarinnar heldur ríkisins. Það er hárrétt hjá honum.
Sigurður Hólm heldur áfram:

Hvað sem okkur finnst um aðferðirnar þá er einkavæðing Símans gleðiefni í sjálfu sér.

Einkavæðing Símans er skref í ranga átt, frá dreifðari eignaraðild og völdum til samþjappaðri eignaraðildar og valda. Með öðrum orðum, umsvifin í téðu fyrirtæki færast fjær fólkinu. Það er slæmt í sjálfu sér. Þar við bætast auðvitað meingölluð vinnubrögð (eins og venjulega), manna sem fara sínu fram í fullvissu þess að værukærir sauðirnir mögli ekki.
Ríkiseign slæm. Einkaeign verri. Hvað vil ég þá í staðinn? Ég hlýt að þurfa að svara því. Það er mér líka ljúft: Ég vil sjá sameignarfyrirkomulag og samvinnurekstur. Ekki à la Sovétríkin eða SÍS 1985, heldur lárétt, milliliðalaust skipulag, kerfi sem rekið er á svo lýðræðislegan hátt sem kostur er. Milliliðalausa aðkomu fólksins, án þess að ríkisvald eða auðvald setji stól fyrir dyr eða heimti afnotagjöld. Það mætti kannski kalla þetta þjóðnýtingu án ríkisvæðingar, en mig langar frekar til að kalla það lýðvæðingu.
Ef einhvern langar að stofna félag um lýðvæðingu Símans, safna a.m.k. 100.000 félögum, og kaupa svo Símann af ríkinu, þá er ég til viðtals um það.

Í fyrradag, laugardag 2. apríl, hófst 11 daga allsherjarverkfall í Nepal, skipulagt af Kommúnistaflokki Nepal (maóistum), til þess að setja þrýsting á krúnuna. Það var boðað með löngum fyrirvara, svo vonandi kemur það ekki illa við kauninn á almennum borgurum. Ég vil annars benda á þessa stórfínu grein um Nepal og ástandið þar.
~~~ ~~~ ~~~ ~~~
Annars fékk ég áðan í pósti áhugaverða bók sem ég mun lesa þegar ég hef tíma til þess. Hún heitir Chimurenga - the Liberation Struggle in Zimbabwe og er eftir Harpal Brar, sem einnig er formaður CPGB-ML og ritstjóri Lalkar. Bókin er 600. bls löng. Sérviska? Ég býst við því. Áhugavert? Svo sannarlega.

Ásatrúarfélagið boðar "siðfestu" í stað fermingar og mótmælir því hvernig trúarbrögð sitja ekki við sama borð í skólum.
~~~ ~~~ ~~~ ~~~
Reynir Traustason handtekinn fyrir að smygla kókaíni til landsins og framvísa því við tollverði. Skyldi tollgæslan ekki hafa neitt betra við tímann að gera en að handtaka heiðarlega menn?
~~~ ~~~ ~~~ ~~~
Ísraelsstjórn planar ólöglega og umhverfisspillandi urðun á sorpi á Vesturbakkanum ... þessir heiðursmenn. Kemur nú ekki á óvart.
~~~ ~~~ ~~~ ~~~
"The peak oil idea – which says that world oil production will go into irreversible decline sometime in the next decade or two – is quickly morphing into conventional wisdom," segir Stan Cox í grein á Alternet ...og svo það sé sett í samhengi, þá hefur olíuverð aldrei verið hærra: 58 dalir tunnan ...og ChevronTexaco er að kaupa Unocal. "Hubbert hit the bullseye with his prediction that U.S. production would peak in 1970. And over the past half century, country after country has seen its oil production hit a peak and start dropping. Yet for decades, economists, petroleum executives and government officials refused to follow Hubbert's analysis to its logical conclusion – that in the easily foreseeable future, humanity will pass over a global peak of oil production, where there awaits a very grim, slippery slope."*

Ef eitthvað er að marka þessa skýrslu var Askar Akayev hreint ekki eins slæmur forseti í Kyrgyztan og sumir vildu láta hljóma. Hreint ekki góður heldur, en hefur varla notið sannmælis í fréttum. Það þarf ekki að koma neinum á óvart, en ríkisstyrkt valdaránsstofnun sem er meðal ötulustu forsvara bandarískrar heimsvaldastefnu hefur haft hönd í bagga með stjórnarandstöðunni.

Meðan stór hluti heimsbyggðarinnar syrgir páfann og vottar rómversk-kaþólsku kirkjunni samúð sína vottar Vantrú.net fórnarlömbum páfans og kirkjunnar sína samúð í staðinn. Það held ég að sé nær.

Seventeen Techniques for Truth Suppression
~~~ ~~~ ~~~ ~~~
Ísland, zíonismi og gyðingahatur eftir Egil Helgason er býsna góð grein. Ég hefði leyft að fljóta með ættartölu zíonismans, þar sem hann og fasisminn eiga sameiginlegan afa á síðari hluta 19 aldar, en býsna góð grein engu að síður.
~~~ ~~~ ~~~ ~~~
Fjandinn, hvað er þetta annað en óhugnanlegt!? Annað: Bráðum heyrir sektarkennd sögunni til. Hermenn munu geta "hlýtt skipunum" án þess að sjá fyrir sér brennandi konur og börn í hvert skipti sem þeir loka augunum næstu 35 árin.
~~~ ~~~ ~~~ ~~~
Martraðar-vopn: Ef þau eru smíðuð verða þau notuð.
~~~ ~~~ ~~~ ~~~
Peak Oil er eitt ... en "Peak Military"?
~~~ ~~~ ~~~ ~~~
Lesið líka þessa grein eftir Netu Gólan (ísraelskan friðar-aktivista).

Fyrir svona einu og hálfu ári síðan, eða rétt rúmlega það, þá hætti ég að éta svín og kjúklinga. Þessi dýr eru ræktuð við ómannúðleg skilyrði, skilyrði sem ég gæti ekki hugsað mér sjálfur að búa lifandi dýri. Ef ég get ekki hugsað mér að veita dýri einhverja meðferð en borga í staðinn einhverjum öðrum fyrir að gera það, hvað er ég þá annað en hræsnari? Í viðleitni minni til að vera aðeins minni hræsnari, aðeins meðvitaðri og aðeins ábyrgari neytandi, að ógleymdri aðeins betri samvisku, þá ákvað ég því að hætta að éta svínakjöt eða kjúkling, nema mér þyki sýnt fram á að viðkomandi dýr hafi ekki liðið ástæðulausar kvalir af mannavöldum. Ég geri að vísu þá undantekningu, að ég ét stundum egg. Sumum finnst þetta fáránlegt. Hvað með það hvernig einhverjum heimskum dýrum líður? spyrja sumir. Við höfum alltaf étið dýr, hvers vegna ættum við að hætta því núna? spyrja aðrir. Málið snýst ekki um að ég éti ekki dýr per se. Það er ómannúðleg meðferð á dýrum sem ég vil ekki taka þátt í af samviskuástæðum. Stundum kemur þetta mér í asnalega klípu. Mér er kannski boðið í mat og það er kjúklingaréttur á boðstólum. Hvað á ég að gera, sía kjúklingabitana úr? Það er oftast vandræðaleg sitúasjón sem þá kemur upp.

Olíuverð heldur áfram að rjúka upp. Meira en 57 dollarar tunnan í gær, það hæsta sem um getur. Þetta óhemju háa verð er ekki á leiðinni niður aftur, vegna þess að olíulindir heimsins fara þverrandi. Það eru vægast sagt slæmar fréttir fyrir samfélag sem bókstaflega á allt sitt undir ódýrri olíu.
~~~ ~~~ ~~~ ~~~
"A standing army is one of the greatest mischief that can possibly happen." (James Madison)

"Over grown military establishments are under any form of government inauspicious to liberty, and are to be regarded as particularly hostile to republican liberty." (George Washington)
~~~ ~~~ ~~~ ~~~
Ég get ekki að því gert, en það syngur í mér eitt erindið úr þeim merkilega söng "Malakoff":
Hann Þórður er dauður og það fór vel
nú kryfjum við þann húðarsel.

„The only security for the American people today, or for any people, is to be found through the control of force rather than the use of force.“ (Norman Cousins)
~~~ ~~~ ~~~ ~~~
Með því að beita minnihlutann ofríki og ofbeldi segir meirihluti utanríkismálanefndar „Íraksmálinu vera lokið“ og engan skyldi undra, að niðurstaða meirihlutans er sú, að ríkisstjórnin hafi verið í rétti. Rökstuðningur? Hverjum er ekki sama um slík formsatriði? Hér ríkir lýðræði. Hér ræður einfaldur meirihluti hvað er rétt og hvað er rangt. Ef Davíð Kjarna-Oddsson væri sköpunarsinni er ég viss um að hann mundi láta einfaldan meirihluta komast lýðræðislega að þeirri niðurstöðu að Darwin hefði verið vitleysingur. Og kynvillingur. Hefði turnast til krysstni á banabeði.
~~~ ~~~ ~~~ ~~~
Það er ekkert annað en óhugnanlegt sem var í blaðinu í dag, að Richardo Sanchez, þáverandi yfirmaður bandaríska herafla í Írak, hefði sjálfur veitt samþykki fyrir pyntingum á íröskum föngum. Hvernig geta þessir skítbuxar ekki skilið hvað það er freklegur glæpur að svala sadisma sínum á varnarlausum föngum?
~~~ ~~~ ~~~ ~~~
Þökk sé þessumnheiðursmönnum sem ráða Bandaríkjunum er fjórðungur íraskra barna vannærður. Ætli þeir séu ekki ánægðir með sig? Skemmst er að minnast þess, þegar Madeleine Albright, sú skepna, sagði að sér þætti það ásættanlegt að 5000 írösk börn dæju á mánuði í 12 ár til þess að refsa Saddam og halda honum í skefjum. Skepna!

Undir þessu hárðneskjulega yfirborði
slær hjarta úr steini!
~~~ ~~~ ~~~ ~~~
Andra Pradesh, Indlandi: Einn af æðstu leiðtogum Naxalbari-skæruliða drepinn í atökum við lögreglu.
~~~ ~~~ ~~~ ~~~
Áróðurs-skúbb nepölsku krúnunnar gegn maóistum heldur áfram. Nú er sagt að sést hafi til stuðningsmanna Bhattarais í annars konar búningum en stuðningsmenn Prachandas klæðist. Mín kenning: Það voru engir stuðningsmenn Bhattarais í öðruvísi búningum. Ef sagan er ekki hreinlega skálduð upp, þá er allt eins líklegt að þarna hafi verið á ferðinni hermenn krúnunnar í skæruliðabúningum. Bhattarai og Prachanda eru engir asnar. Þeir vita vel að núna er það mikilvægara en nokkru sinni að treysta raðir maóista. Krúnan hefur reigt sig upp og lætur skína í óhreistraðan kviðinn. Ef einhvern tímann var lag, þá er það núna. Láta boxhanskann vaða í bumbuna á kvikindinu. Og frá sjónarhóli krúnunnar var oft þörf en nú nauðsyn, að kljúfa maóista. Ég trúi því varla að maóistar séu svo miklir kjánar að láta krúnunni heppnast það.
~~~ ~~~ ~~~ ~~~
Það hefur varla farið framhjá neinum að Mugabe er spáð stórsigri í kosningunum í Zimbabwe. MDC, eða Movement for Democratic Change, stjórnarandstaðan, held ég, satt að segja, að væru ennþá verri kostur. Ef valið stendur milli þjóðernissinnaðs, veruleikafirrts innlends rugludalls með mikilmennskubrjálæði, sem berst gegn nýlendustefnu og skiptir landi upp milli fátækra bænda, og lýðskrumandi landráðamanna sem eru hræsnarar og leppar vestrænna heimsvaldaríkja, með hvorum stendur maður þá? Ég held að maður hljóti að vera á móti báðum, en fyrir mitt leyti gæti ég kannski sagt að ég væri meira á móti MDC. Aðallega kenni ég samt í brjósti um alþýðu manna í landinu. Þótt Mugabe hafi verið þjóðfrelsishetja til að byrja með er vafasamt að kalla hann hæfan stjórnmálamann. Zimverjar eiga betra skilið.
~~~ ~~~ ~~~ ~~~
Carlyle Group, ein af atkvæðameiri framkvæmdanefndum heims-auðvaldsins, einn af ókræsilegri holdgervingum heimsvaldastefnu og innbyrðis valdafróunar forréttindastéttar heimsins, kemst í feitt um þessar mundir.

Vegna yfirstandandi umræðu um rekstur Landspítala-háskólasjúkrahúss, þá vil ég hér með votta það, að eftir mínum kynnum af þeirri stofnun að dæma, þá tek ég undir með yfirlæknunum sem segja að hún sé illa rekin. Yfirbyggingin er allt of mikil, innra stigveldi gerir reksturinn firrtan og þunglamalegan, skriffinnska tefur og flækir, reynt er að spara með útboðum á m.a. hreingerningum, sem skila sér í freklegu arðráni á starfsfólki, og almennt starfsfólk hefur lítið að segja um sín störf. Og hvað, ætti að einkavæða þetta? Nei. Það ætti að reka helminginn af skriffinnunum, þrjá fjórðu af millistjórnendunum, og stokka þetta upp alveg frá grunni. Ég skal með ánægju taka það að mér ef heilbrigðisráðuneytið vill ráða mig til þess arna. Sjúkrahús þarf að vera almennilegur vinnustaður og veita almennilega þjónustu sínu samfélagi.
~~~ ~~~ ~~~ ~~~
Ef það er rétt sem spáð er, að Frakkar muni fella stjórnarskrá ESB, þá held ég að ástæða sé til að fagna, í bili. Þessi stjórnarskrá á sjálfsagt eftir að hljóta samþykki fyrr eða síðar, en mér skilst að hún sé ógæfuplagg. Hvaða stjórnarskrá kveður á um að efnahagskerfið skuli vera kapítalískt? Eftir því sem ég kemst næst gerir ESB-skráin það.
~~~ ~~~ ~~~ ~~~
Annað slæmt varðandi ESB, ESB samþykkir Wolfowitz: „Wolfowitz segist [vilja] berjast gegn fátækt“ ... einmitt, berjast gegn fátækt. Þeirra ríkustu.
~~~ ~~~ ~~~ ~~~
Rasismi færist í aukanna, a.m.k. í yngri kynslóðum. Það kemur í sjálfu sér ekki mikið á óvart. Meiri blöndun menningarheima hlýtur að skerpa andstæðurnar, á sama tíma að auka umburðarlyndi sumra og hún minnkar umburðarlyndi annarra. Ég held að rasismi hætti ekki að vera vandamál meðan skoðanamyndandi stéttin lætur stjórnast af borgaralegum kapítalisma. Hins vegar held ég að rasismi yrði fljótur að heyra sögunni til ef fólk væri bólusett gegn honum með bestu bólusetningunni: Stéttarvitund og skilningi á mikilvægi þess að vinnandi fólk um veröld víða standi saman gegn kúgurum sínum. „Tryggð við föðurlandið“ eða „kynþáttinn“ er ekkert annað en (lítið) dulbúin tryggð við höfðingjastéttina, við elítuna. M.ö.o. þjónar slík tryggð elítunni og vinnur gegn hagsmunum vinnandi fólks.
~~~ ~~~ ~~~ ~~~
Annað dæmi um afleiðingar blindrar græðgi auðvaldsskipulagsins er þessi svarta skýrsla. Peningakvarnir kapítalismans mola sundur náttúruna og stunda skefjalausa rányrkju á auðlindum - og fólki. Afraksturinn er sá að vistkerfunum er fórnað fyrir eigingjarnan stundargróða.

Þrjú kommablöð í pósti

Ég fékk áðan hvorki meira né minna en þrjú kommablöð í póstinum:
* Socialist Worker, vikublað sem trotskíistaflokkurinn Socialist Workers Party gefur út í Bretlandi og er oft innihaldsríkt og áhugavert. Ath. að SWP er ekki sami flokkur og Socialist Equality Party, sem heldur úti World Socialist Web Site.
* Fight Racism! Fight Imperialism! er blað með óþjált nafn, útgefið af Revolutionary Communist Group í Bretlandi og eiginlega lýsir hið óþjála nafn blaðinu ágætlega vel. Þetta tölublað má sjá hér.
* Lalkar er þriðja blaðið, merkisblað sem hefur komið út í næstum því fjóra áratugi og er skrifað af meira og minna sama fólki og skrifar The Proletarian, þ.e.a.s. Communist Party of Great Britain (Marxist-Leninist). Lalkar er ólíkt flestum öðrum blöðum sem maður hefur séð. Kemur út ársfjórðungslega og er að verulegu leyti um þeoretískan sósíalisma ... og stendur eins og klettur við hlið Kim Jong-il í N-Kóreu og Roberts Mugabe í Zimbabwe. Óvenjulegt sjónarhorn.

Ég hef oft séð sagt um staði eða lönd að þau séu með mjög mikilvæga geóstrategíska stöðu. Lönd sem liggja nálægt mikilvægum auðlindum, siglingaleiðum, á mörkum áhrifasvæða eða á annan hátt á mikilvægum stöðum. Nú, hafandi séð þetta sagt um flest lönd sem ég hef lesið um, fór ég að velta fyrir mér hvort það væri til eitthvað land sem væri ekki mikilvægt í geóstrategískum skilningi. Ég skoðaði landakort ... leitaði og leitaði ... og held að ég hafi á endanum fundið eitt: Kergúelen-eyjar eru örugglega lítils virði í geóstrategískum skilningi. Afskekktur rokrass syðst í Indlandshafi.
~~~ ~~~ ~~~ ~~~
Eins og þeirra var von og vísa býður World Socialist Web Site upp á vandaða greinargerð um ástandið í Kyrgyztan. Mæli með því.
~~~ ~~~ ~~~ ~~~
Í fréttum frá Qatar segir:

[A] senior Maoist rebel leader yesterday denied Nepalese military reports that the movement is split but did not directly respond to army claims that he and his wife had been expelled from the party’s politburo.

“We feel no humiliation but great honour and pleasure at being within the reliable security cordon of the revolutionary people’s liberation army,” Baburam Bhattarai and his wife Hisila Yami said in a joint statement.
...
Bhattarai said there was no animosity between them and party chief Pushpa Kamla Dahal, alias Prachanda. But he and his wife did not mention their current status in the party.

They accused the army of trying to sow confusion by claiming a schism in the Maoist camp.

“The opportunist elements and the fascists have been trying since long to create confusion by creating malicious propaganda that there is a leadership race and personal animosity between our glorious party chairman Prachanda and us,” the statement said.

The statement hinted that some differences had emerged within the party on ideological issues such as the Prachanda Path, the ideological line set out by the top leader last year.

Leiðtogi í rómversk-kaþólsku kirkjunni í Zimbabwe hvetur til friðsamlegrar byltingar gegn Mugabe. Eru það ekki meðmæli með forsetanum?
~~~ ~~~ ~~~ ~~~
Nýtt afl heitir ekki lengur Nýtt afl heldur Lýðræðisflokkurinn. Þessi skemmtilegi flokkur er m.ö.o. ekki af baki dottinn. Einu sinni sat ég og fylgdist með e-s konar pallborðsumræðum, þar sem fólk úr ungliðahreyfingum flokkanna ræddi málin og kynnti sína flokka. Það var fyrir síðustu kosningar. Höskuldur Höskuldsson var fyrir svörum fyrir hönd Nýs afls (hann er núna varaformaður) ... og var svo mikið niðri fyrir að hann frussaði meðan hann talaði, fyrir utan að hann bölvaði í ca. þriðja hverju orði. Annars er athyglisvert að skoða linkasafnið hjá Nýju afli Lýðræðisflokknum: Áhugaverðir tenglar. Þarna er linkar kallaðir "Stjórnmál" þar sem eru Alþingi og svo þrír skandinavískir rasistaflokkar. Undir "Ýmsir áhugaverðir tenglar" eru svo linkar á Fjölmenningu og Félagið Ísland-Palestínu, eins og til að jafna út slagsíðuna, eða hvað?

Tveir afghanskir fangar létu lífið í haldi Bandaríkjamanna eftir barsmíðar og misþyrmingar. Hermennirnir eru kærðir fyrir verknaðinn og segja þessa meðferð alvanalega og að þeim hafi verið kennt til verka af hernum. Kemur á óvart? Ekki mér, svo mikið er víst. Þetta er sami herinn og er á Miðnesheiði.
~~~ ~~~ ~~~ ~~~
Í Genf fundar mannréttindanefnd Sameinuðu þjóðanna og Bandaríkjamenn reyna að fá samþykkta ályktun sem fordæmi mannréttindabrot Kúbustjórnar -- meðan mannréttindabrot í Abu Ghraib og Guantanamo fást ekki einu sinni rædd. Mannréttindi sem skiptimynt í pólitískri refskák ... fuss!
~~~ ~~~ ~~~ ~~~
Frv. hermaður á Haiti segir að meðan hann hafi verið í fangelsi hafi maður frá skrifstofu Tortues valdaræningja beðið hann að myrða samfanga sinn, fyrrverandi forsætisráðherra landsins. Aðförinni að Aristide, fylgismönnum hans og lýðræði á Haiti er hvergi nærri lokið. Haiti, landið sem fólk nennir ekki að muna eftir.
~~~ ~~~ ~~~ ~~~
Alþingismannahópurinn er kominn heim frá Palestínu og Jónína Bjartmarz sagði í fréttum í gær að ástandið þar væri mun verra en hún hefði gert sér grein fyrir.
~~~ ~~~ ~~~ ~~~
Yfirlæknar á Landspítala-háskólasjúkrahúsi segja stjórnendur og skrifstofubákn vera ljá í þúfu við rekstur spítalans. Að svo miklu leyti sem ég þekki til starfsemi LSH held ég að megi taka undir þetta.
~~~ ~~~ ~~~ ~~~
...og biskupinn vill auka kristinfræðikennslu. Það var og. Hann og kónar hans finna að þessi trénaða kirkjudrusla þeirra er á flæðiskeri stödd og vilja slá í klár heilaþvottarins. Ekki veitir af, annars gæti pyngjan hætt að þyngjast. Ópíum fyrir fólkið, tilboð, afsláttur. Fáið ykkur ópíum.

Það hreinlega rignir yfir mann góðum greinum um ástandið í Nepal. Ég sé ástæðu til að benda á þessa grein. Hún er ekki löng en hún er innihaldsrík:

[T]he non-Maoist American and Western European left continue to ignore the People's War in Nepal and the atrocities the monarchy, with their backers in the US/UK and India, inflicts on the population. Considering how much political capital social democrats, liberals and anti-authoritarians have invested in the "death of communism," it's hardly surprising. Another world is possible, they say, while ignoring it's birth in the mountains of Asia.

...og bók var að bætast á innkaupalista minn:
Li Onesto: Dispatches From the People's War in Nepal.

Þessi grein um ástandið í Nepal er athyglisverð, þótt stafsetningin sé á köflum pirrandi. Var annars að bæta Maoist International Movement í linkasafnið.

Fermingargjafir eru að margra mati orðnar óhóflegar í seinni tíð, enda vafasamt að mörg börn láti fermast til annars en að fá gjafir. Kirkjan amast ekki mikið við þessu, enda græðir hún á því að börnin vilji fermast. Fleiri safnaðarmeðlimir, meiri þóknun fyrir prestinn... hverjum er ekki sama um ástæðurnar? Eins og sagt er, þá skoðar maður ekki upp í hest sem manni er gefinn.
Ef barn er einlægt í því að ganga Ésú á hönd, þá hljótum við að virða það. Það barn er varla að sækjast eftir dýrum gjöfum með fermingunni: Hvaða fermingargjöf er betri en guðsorðabók? Biblía, saltari, grallari, sálmabækur eða jafnvel inneignarnótur í Kirkjuhúsinu? Við hljótum að ganga út frá því að börnin séu einlæg í ákvörðun sinni um að fermast: Gefum þeim gjafir sem hlýja um hjartarætur. Guðsorðabækur.
~~~ ~~~ ~~~ ~~~
Eins og ég hef vakið athygli á um það bil tíu sinnum undanfarna daga hér á þessu bloggi sýndi Vantrú.net Life of Brian í húsakynnum Snarrótar í gærkvöldi. Það er skemmst frá því að segja, að sýningin heppnaðist mjög vel; húsið var troðfullt og myndin stóð fyrir sínu. Vel, vel heppnuð sýning.
~~~ ~~~ ~~~ ~~~
Ég held að fréttastofa nepölsku krúnunnar sé áróðursmaskína af grófustu gerð. Ég nefni sem dæmi þessa frétt. Maóistar eru alltaf kallaðir "terroristar", vitnað er gagnrýnislaust í herinn eins og talsmenn hans séu eitthvað annað en hlutdrægir. Herinn segist vera vel byrgur af skotfærum, en annað hefur maður heyrt frá hlutlausari fjölmiðlum: Tveggja mánaða birgðir af skotfærum séu til í landinu, miðað við núverandi notkun, og í ljósi þess að Indland og Vesturlönd hafa dregið í land með stuðning sinn við krúnuna, þá er herinn að mála sig út í horn. Mikið er gert úr meintum klofningi maóistaflokksins -- sem mér sýnist vera skúbbaður af konungssinnum og étinn upp af hægrisinnaðri fjölmiðlum og eitthvað af þeim á miðjunni eða til vinstri -- og mikið gert úr sigrum stjórnarhersins á maóistum. Sem ég segi, þá finnst mér þetta hljóma eins og áróður af verstu gerð.
Hitt er annað mál, að maóistunum veitti sjálfsagt ekki af að taka til í eigin ranni. Þá meina ég ekki með hreinsunum heldur með innri endurbótum á hreyfingunni. Auka innra lýðræði eftir því sem hægt er, berjast gegn mannréttindabrotum sem þeir hafa óneitanlega gerst sekir um, m.a. ofbeldi gegn fréttamönnum, og þétta raðirnar ef eitthvað er hæft í fréttum af klofningi.
~~~ ~~~ ~~~ ~~~

"We used to have a War Office, but now we have a Ministry of Defence, nuclear bombs are now described as deterrents, innocent civilians killed in war are now described as collateral damage and military incompetence leading to US bombers killing British soldiers is cosily described as friendly fire. Those who are in favour of peace are described as mavericks and troublemakers, whereas the real militants are those who want the war." -- Tony Benn

Bandaríkjaher hindrar ítölsku lögregluna í að rannsaka flakið af bílnum sem Bandaríkjarher skaut á um daginn, og felldi ítalskan leyniþjónustumann og særði blaðakonu.
~~~ ~~~ ~~~ ~~~
Um atburðina í Kyrgyztan. Condoleezza Rice segir að vegna atburðanna í Kyrgyztan "gæti horft til betri vegar" í landinu... Í sömu frétt segir að Bandaríkjastjórn hafi ekki tekið eindregna afstöðu með mótmælendunum sem tóku völdin, eins og í Úkraínu, Líbanon og víðar, þótt sú gæti vel orðið raunin. "People's Movement of Kyrgyztan" -- stjórnarandstöðuhreyfingin sem hefur tekið völdin -- hljómar hálf tortryggilega í mínum eyrum.
~~~ ~~~ ~~~ ~~~
Nepal: Var Baburam Bhattarai rekinn eða ekki? Meðan fjölmiðill konungssinna, Gorkhapatra, segir að svo sé og að róstur hafi orðið milli suðningsmanna Bhattarais og stuðningsmanna Prachandas - þ.e.a.s. að maóistaflokkurinn standi klofinn í innbyrðis átökum - þá kom í gær yfirlýsing, sögð vera frá Bhattarai sjálfum, þar sem hann segir flokkinn ekki vera klofinn. Maóistarnir eru sagðir hafa fundað í Nýju-Dehlí. Já .. ég tek fréttum af maóistunum með fyrirvara þegar þær koma frá svörnum óvinum þeirra, rétt eins og ég tek með fyrirvara því sem þeir segja sjálfir. Hlutdrægum fréttum er vafasamt að treysta um of.
~~~ ~~~ ~~~ ~~~
Curtis Doebbler skrifar um tilnefningu Wolfowitz til embættis bankastjóra World Bank.
~~~ ~~~ ~~~ ~~~
Athyglisverðar hugleiðingar um möguleika á Palestínuríki, einsríkislausn, "Ísratínu" Qaddafis, "IsFalUr" og fleira.
~~~ ~~~ ~~~ ~~~
SchNEWS hafa beint sjónum sínum til Íslands að undanförnu.
~~~ ~~~ ~~~ ~~~

Big Bad Wolfowitz

Who needs to have experience of banking to run the world's biggest
bank? Not Paul Wolfowitz, who, it is rumoured, can barely use a
cash-point card. Bush's nomination for the top job at the World
Bank is not only worrying because Wolfowitz was a former professor
from the National War College, where he developed his concept of
"do-able" wars. Nor is it because he can't add up - he said the
Iraq war would cost $30bn, not the likely $200bn.

Wolfie was introduced to Bush by George Schultz, former Secretary
of State to Ronald Reagan, and now director of Betchel, the
corporation which charged Bolivian workers, earning an average $40
a month, half their wages for access to water. Guess who forced a
desperately poor Bolivian government to flog its water system to a
multinational? You guessed it - The World Bank. With Vice
President Dick Cheney's close connections to Halliburton, the main
contractor reconstructing Iraq, SchNEWS wonders whether a
Wolfowitz-led World Bank will be bunging Halliburton a few
backhanders too. After all, it's all mates together and Iraq's
sure to want to borrow some money. But maybe all the talk about a
'hawkish' approach is wildly off the mark. After all, Wolfie told
the New York Times in 2003 that he thought "all foreigners should
stop interfering in the internal affairs of Iraq. Those who want
to come and help are welcome. Those who come to interfere and
destroy are not." Honest. www.worldbankpresident.org*

Gleymið því ekki að Vantrú sýnir Life of Brian annað kvöld og ykkur er öllum boðið. Hver segir að föstudagurinn langu þurfi að vera leiðinlegur?
~~~ ~~~ ~~~ ~~~
Birgir Baldursson var í viðtali í Speglinum í gær ... á það viðtal má hlusta hérna ... og ég hvet fólk til þess.
~~~ ~~~ ~~~ ~~~
Um fyrirhugaða byggingu þúsunda nýrra landtökubyggða Ísraela á Vesturbakkanum.
~~~ ~~~ ~~~ ~~~
Wolfowitz fagnað sem væntanlegum bankastjóra World Bank.
~~~ ~~~ ~~~ ~~~
Sverrir Jakobsson tekur í sama streng og ég varðandi rósturnar í Kyrgyztan (hann stafsetur nafn landsins öðruvísi): Hér er að öllum líkindum á ferðinni valdarán, þótt það sé dulið á bak við fjöldamótmæli sem sjálfsagt eiga rétt á sér sem slík. Fjöldamótmæli eru eins og góður byr og afturhaldssamir valdaræningjar eru eins og vanir skipstjórar sem kunna að sigla pólitískan beitivind.
~~~ ~~~ ~~~ ~~~
Talandi um það, þá hef ég tekið eftir einu: Fréttirnar um að Baburam Bhattarai, varaformaður nepalska maóistaflokksins, hafi verið vikið frá störfum, virðast allar vera komnar frá óvinum hans og þeirra. Vitnað hefur verið í heimildarmenn innan nepalska hersins, opinbert málgagn krúnunnar hefur flaggað fréttinni og fleiri hægrisinnaðar fréttastofur líka. Mainstream-pressan hefur síðan étið þetta upp eftir þeim. Með öðrum orðum, þá sé ég ekki betur en að verið sé að skúbba áróðri til þess að grafa undan maóistum þegar þeir þurfa mest á kröftum sínum að halda: Núna. Þannig að ... ég leyfi mér að efast um að Bhattarai hafi verið vikið frá. Það gæti vel verið, en heimildirnar fyrir því hafa of mikilla hagsmuna að gæta. Nepalski herinn og krúnan eru of hlutdrægar heimildir til að þeim sé treystandi. Þótt þetta gæti í sjálfu sér verið rétt. Allavega, það kemur í ljós.

Ég vil minna á að Vantrú býður í bíó á föstudagskvöldið.
~~~ ~~~ ~~~ ~~~
Áðan leit ég við í Alþjóðahúsinu og skildi eftir bunka af flugritum þar sem þetta er tilkynnt:

English presentation, Tuesday March 29th at 8 PM
Film screening and presentation about
The Icelandic Intervention in Afghanistan
Iceland has no Army. But Icelanders are wearing uniforms and carrying guns in Afghanistan. How did troops from a country that has no army and has been at peace for 1000 years wind up occupying the most war torn area in the world?
Veteran journalist Kristinn Hrafnsson went to Afghanistan to document the Icelandic force in charge of Kabul airport. He made a documentary called Dressing for the Occasion, scripted by former editor of Reykjavik Grapevine and AP correspondent Valur Gunnarsson, and directed by Friðrik Gunnarsson. Kristinn and Valur will be talking about the situation in Afghanistan and the Icelanders there, and screening the first English language cut of the film.
Location: Snarrót, Reykjavik Center for Grassroots Politics, Garðastræti 2.
www.snarrot.net

Other upcoming presentations every other Tuesday:
Tuesday, April 12th: The UN Security Council in the New World Order by Elías Davíðsson
Tuesday, April 26th: The dismantling of Yugoslavia by Western powers by Jón Karl Stefánsson
Tuesday, May 10th: Who Committed the Atrocities of September 11th? by Elías Davíðsson
Tuesday, May 24th: The Apartheid wall in Palestine by Arna Ösp Magnúsardóttir

www.snarrot.net

~~~ ~~~ ~~~ ~~~
Við að lesa þessa færslu Óla Gneista hlýnaði mér um hjartarætur. Að hugsa sér að Háskólalistinn skuli hafa náð að vinna þennan sigur í kosningunum til stúdentaráðs. Að Háskólalistamaður skuli vera formaður stúdentaráðs er nokkuð sem ég held að ekki hafi hvarflað að neinu okkar fyrir tveim árum.

9. apríl næstkomandi verður mynda- og kvikmyndakvöld Hins íslenska tröllavinafélags. Tröllafréttir, 3ja tölublað, eru í smíðum, mikið félagsstarf er framundan og félögum fer fjölgandi. Sem fyrr stendur fólki til boða að skrá sig netleiðis: Allt og sumt er að senda nafn og heimilisfang (með póstnúmeri), og símanúmer má fylgja líka, á: trollavinafelag@gmail.com ... fólk sér ekki eftir að vera í Hinu íslenska tröllavinafélagi!

Það var að koma út bók eftir chechenska skæruliðaleiðtogann Shamil Basayev. Hún gæti verið forvitnileg, án þess að ég sé hrifinn af höfundinum. Ég harma það hvernig íslömsk áhrif verða stöðugt sterkari í chechensku andspyrnuhreyfingunni, hvernig afturhaldssöm trúarbrögð lita baráttuna. Í sjálfu sér er það ekki skrítið; bæði eru trúarbrögðin eitt af því sem greinir íslamska Chechena frá hinum grísk-kaþólsku Rússum og þær andstæður skerpast í svona þjóðfrelsisstríði -- samanber íslam-væðingu palestínsku andspyrnunnar og írösku andspyrnunnar gagnvart óvinum sem eru upp til hópa annars vegar gyðingar, hins vegar krysslingar. Ég harma það samt. Ég renndi yfir grein sem var skrifuð eftir morðið á Aslan Mashkadov. Í henni var sagt að honum hefði undir það síðasta "farið mjög fram í íslam, lært arabísku og stúderað Kóraninn" ... áróður? Sannleikur? Mashkadov var, eftir því sem ég best veit, sekúlar leiðtogi eins og Dudayev á undan honum. Lesið um Sheikh Abdul-Halim, nýja leiðtogann ... ég sé ekki að chechensku andspyrnunni sé fengur í honum sem leiðtoga... Allavega, þá hefðu menn betur haldið í sovéska guðleysið sem þar til fyrir 10-15 árum var ráðandi í Checheníu. Halda í guðleysið og slaka á í trúarlegri þjóðernisstefnu. Hún kann ekki góðri lukku að stýra.
~~~ ~~~ ~~~ ~~~
Það virðist töluverð erlend athygli beinast að þessu Fischer-máli.
~~~ ~~~ ~~~ ~~~
Um daginn sagði í frétt á vef-Mogga:

Pétur Blöndal, Sjálfstæðisflokki, sagði að RÚV væri eign ríkisins en ekki þjóðarinnar og á því væri mikill munur. Út í hött væri að segja, að þjóðin ætti RÚV. Pólitík stjórnaði ríkinu og ríkið ætti RÚV og þess vegna verði RÚV alltaf pólitískt.

Ég kann að meta hreinskilnina hjá Pétri Blöndal, hvað sem líður öðru við málflutning hans... Það er hárrétt hjá honum að ríkið er ekki sama og þjóðin. Ríkið er eitt af helstu tækjum valdastéttarinnar til að meðhöndla völdin yfir undirstéttinni. Það er það sem borgaraleg stjórnmál snúast um, þegar öllu er á botninn hvolft.

Palestína, Kyrgyztan, Fischer, Zimbabwe og fleira...

Ég bendi fólki á að líta á þessa fréttatilkynningu á heimasíðu Félagsins Íslands-Palestínu. Yfir stendur ferð alþingismanna og verkalýðsleiðtoga og hlýtur að vera hin fróðlegasta ... sjálfur hefði ég ekkert á móti því að vera með í hópnum.
~~~ ~~~ ~~~ ~~~
Ísraelar yfirgefa Tulqarem um leið og þeir lýsa yfir áformum um að byggja 3500 ný heimili í landtökubyggðum á Vesturbakkanum. Ég verð að segja hreint út hvernig málið horfir við mér: Ég held að Mahmoud Abbas sé hjálpað svona vegna þess að hann sé hálfgerður leppur fyrir Ísrael. Hann er pólitísk málamiðlun milli ísraelsku valdastéttarinnar og þeirrar palestínsku. Hlutverk hans er að friða þá sem berjast fyrir frelsi Palestínu, og í skiptum fær palestínska borgarastéttin stærri hlut í völdum yfir Palestínu. Palestínumenn hafa lengi barist fyrir frelsi sínu sem Palestínumenn, að palestínska þjóðin verði frjáls, en í staðinn verið haldið aftur af þeim í annarri frelsisbaráttu, svo sem baráttu kvenna fyrir frelsi sem konur eða baráttu samkynhneigðra fyrir frelsi sem samkynhneigðir. Umfram allt hefur verið haldið aftur af baráttu fólks fyrir frelsi sem fólk: Baráttu gegn stéttaskiptingu, mismunun, arðráni og kúgun almennt. Sú barátta væri þver-þjóðleg og byggði á samstöðu palestínsku undirstéttarinnar með undirstétt Ísraels, Jórdaníu, Egyptalands, Sýrlands og annarra landa, fyrir frelsi, lýðræði, jafnrétti og félagshyggju í Miðausturlöndum. Allar eða flestar greinar valdastéttarinnar reyna að sporna við þessari baráttu. Henni hefur ítrekað verið beint af sporinu með því að veita baráttuandanum í farveg þjóðernis eða trúar ... núna sjá valdhafar beggja vegna sér hag í að lægja öldurnar, lýsa yfir friði, yfir sigri lýðræðisins og eitthvað, þótt almenningur í Palestínu verði áfram jafn hrikalega illa settur í aðalatriðum. Múrinn er ekkert að fara. Ekki landtökubyggðirnar. Ekki fá flóttamennirnir að snúa heim og Austur-Jerúsalem sjá menn áfram í hillingum.
~~~ ~~~ ~~~ ~~~
Bróðir minn bloggar um mótmælin síðasta laugardag.
~~~ ~~~ ~~~ ~~~
Ef rétt er hermt er stórfrétt á ferðinni: Kaþólska kirkjan í Bandaríkjunum mótfallin dauðarefsingum! Sú trénaða, steinrunna miðalda and-húmanistastofnun er annars ekki vön að skipa sér í "góða" liðið.
~~~ ~~~ ~~~ ~~~
Akayev, forseti Kyrgyztan, segir að mótmælendur séu á snærum glæpamanna og séu að reyna valdarán. Hmm ... ætli það segi ekki flestir átókratar í fátækum löndum um kúgaða undirsáta sína? Ég held að Akayev sé nú ekkert til að hrópa húrra fyrir, en hef samt varann á með mótmælin. Í alvörunni, hverjir standa á bak við þau? Þau gætu verið sjálfsprottin, en í ljósi nýlegra atburða í Georgíu, Úkraínu, Líbanon, Júgóslavíu, Zimbabwe, Venezuela og víðar, þá uggir mann óneitanlega að Vesturlönd hafi hönd í bagga.
~~~ ~~~ ~~~ ~~~
Bandaríska sendiráðið setur á svið vonbrigði utanríkisþjónustunnar með framkomu Íslendinga í máli Bobby Fischer. Svona gekk þetta fyrir sig: Davíð Oddssyni fannst þrengja að sér vegna gífurlegrar óánægju með Íraksstríð og aðra skandala ... svo hann spurði hvort hann mætti flikka upp á ímyndina með því að veita Fischer hæli. Spurði Bandaríkjastjórn. Hún játti því, að launa dyggum stuðningsmanni stuðninginn sem hann veitti þótt á móti blési, en gat auðvitað ekki gert það öðruvísi en að gera sér upp vonbrigði og mótbárur.
~~~ ~~~ ~~~ ~~~
Ættbálkaklofningur er sagður vera að koma upp innan Zanu-PF, flokks Mugabe í Zimbabwe. Stjórnarandstöðuflokkurinn sem kallar sig Movement for Democratic Change og hefur heiðursmenn á borð við Ian Smith innan borðs á án efa eftir að ýta undir slíkan klofning og nýta sér hann út í æsar þegar fyrirhugaðar forsetakosningar nálgast. Líkaböng vestrænt-sinnaðs sýndar-lýðræðis hringir yfir Robert Gabriel Mugabe.
Tveir Zimbabwe-tengdir linkar: ZANU-PF, Zimbabwe og ZWNEWS, Zimbabwe.
~~~ ~~~ ~~~ ~~~
Thomas Friedman, sá óviðfelldni karl, stingur upp á að ayatollah Sistani verði veitt friðarverðlaun Nóbels. Ég skrifa ekki undir ástæðurnar sem Friedman tilgreinir, en ég er samt ekki frá því að Sistani gæti verið rétti maðurinn til að fá verðlaunin.
~~~ ~~~ ~~~ ~~~
Khameini erkiklerkur í Íran segist reiðubúinn að berjast sjálfur ef ráðist yrði á landið. Það væri athyglisvert að sjá. Fjörgamlan manninn. Ég spyr mig samt, er Íran ekki orðið of óárennilegt til að Bandaríkjamenn leggi í að ráðast á það?
~~~ ~~~ ~~~ ~~~
Frá Nepal er það að frétta, að maóistar hafa víst viðurkennt að hafa myrt Dhana Bahadur Rokka Magar, fréttamann í ríkisútvarpi Nepal, fyrir rúmum tveim árum síðan.
Tveir uppfærðir linkar um Nepal: Opinber heimasíða maóistaflokksins og Sameinaðir marx-lenínistar (=stalínistar). Auk þess nýr Nepals-linkur: Nepal News, sem er opinber fréttastofa.
~~~ ~~~ ~~~ ~~~
Einn linkur enn: Fréttamenn án landamæra.

Ísraelska ríkinu stefnt fyrir morðið á Rachel Corrie.
~~~ ~~~ ~~~ ~~~
Bandaríkjamenn hóta Venezuela hörðu.
~~~ ~~~ ~~~ ~~~
Ísraelar segja að þeir mundu ekki grípa til loftárása á Íran nema sem örþrifaráðs. Ég held að það sé einfaldlega ekki rétt. Hljóta þeir ekki að grípa fyrst til þeirrar aðferðar, þar sem þeir hafa mesta yfirburði og eiga þannig auðveldast með að sigra?
~~~ ~~~ ~~~ ~~~
Róstur í Kyrgystan. Hvað ætli sé þar á seyði? Eitthvað um það í þessari grein.
~~~ ~~~ ~~~ ~~~
Hér er ágæt grein um Nepal og hvernig ríki sem telja sig eiga hagsmuna að gæta í Nepal eru í uppnámi vegna maóistanna og valdaráns konungsins.

Ísraelskir landtökumenn grýttu íslenska þingmenn í Hebron. Í Hebron er landtökubyggð þar sem búa einhverjir ofstækisfyllstu landtökumenn á öllum herteknu svæðunum: Kiriyat Arba heitir sú. Ég spyr mig hvort þeir hefðu kastað grjóti, hefðu þeir vitað að þetta væru þingmenn? Fullorðnir landtökumenn að espa krakkana upp í að kasta hnullungum ... það var heppni að enginn skyldi meiðast, og í ljósi þess má telja þessa þingmenn reynslunni ríkari, að hafa séð þessa ribbalda grímulausa. Það er líka athyglisvert að allir íslensku stjórnmálaflokkarnir eigi þarna fulltrúa ... nema Sjálfstæðisflokkurinn.
~~~ ~~~ ~~~ ~~~

"To those who have called me a coward I say that they are wrong, and
that without knowing it, they are also right. They are wrong when they
think that I left the war for fear of being killed. I admit that fear was
there, but there was also the fear of killing innocent people, the
fear of putting myself in a position where to survive means to kill, there
was the fear of losing my soul in the process of saving my body, the
fear of losing myself to my daughter, to the people who love me, to the
man I used to be, the man I wanted to be. I was afraid of waking up one
morning to realize my humanity had abandoned me." - Sgt. Camilo Mejia,
who served one year in prison for refusing to return to fight in Iraq.
He was released from prison Feb. 15, 2005.

~~~ ~~~ ~~~ ~~~
Ef ég reikna með því að í Reykjavík búi 110.000 manns og í London 10.000.000, og að á mótmælin á laugardaginn hafi mætt 500 hérna en 50.000 þar, þá var mætingin hérna 1/200 af íbúatölu Reykjavíkur og 1/220 í London. Þá eru úthverfi ekki talin með.

Gagnrýni og sjálfsgagnrýni í stjórnmálum

Málefnaleg gagnrýni á grasrótarstjórnmál og annað stjórnmálavafstur er hverri hreyfingu nauðsyn. Sjaldan er árangurinn svo góður að ekki sé hægt að gera betur og sjaldan er reynsla svo ómerkileg að ekkert megi læra af henni. Gagnrýni á ekki að snúast um að gera lítið hvert úr öðru eða hvert úr annars störfum. Hún á að benda á styrkleika og veikleika, svo að leggja megi rækt við styrkleikana en finna lausnir á veikleikunum. Ef gallar eru á starfinu er mikilvægt að benda á þá, og því mikilvægara sem gallarnir eru mikilvægari. Annars vil ég benda fólki á að lesa kafla úr Rauða kverinu: "Um gagnrýni og sjálfsgagnrýni."

Þegar hreyfingin sem mótmælir Íraksstríðinu er annars vegar, þá verður að viðurkennast að ekki er allt sem skyldi. Hvar voru æskulýður og verkalýður Íslands í gær? Hvers vegna er vinnandi fólk heima hjá sér að horfa á Stöð 2 í stað þess að mótmæla stríði gegn vinnandi fólki? Hvers vegna tekur það þetta ekki til sín?

Segjum að sigur ynnist. Hvað tæki við? Bið eftir næsta stríði? Það þarf að andæfa stríði og andaæfa því með öllum ráðum. Andæfa stríði með stríði, ef með þarf. En ef andóf er ómarkvisst, þá er ólíklegt að það verði neitt annað en andóf. Okkur vantar frumkvæði. Framsækna og réttsæla hreyfingu fyrir félagshyggju, mannréttindum og lýðræði. Hreyfingu sem getur axlað það verk að breyta þessu þjóðfélagi til hins betra. Sem fyrr er ég til viðræðu ef einhver hefur áhuga.

Ef lögreglan stjakar við mér er hún að vinna vinnuna sína...

...en ef ég stjaka við lögreglunni er það brot gegn valdstjórninni.
Eins og fleiri var ég áðan í mótmælum gegn Íraksstríðinu. Hófust með fundi á Ingólfstorgi, þar sem ég bar fána Íraks á stöng. Eins og World Socialist Web Site bað lesendur sína að gera dreifði ég auk þess slatta af þessu ávarpi frá Socialist Equality Party. Eftir Ingólfstorgsfundinn var gengið að Stjórnarráðinu og mótmælt þar.

Vandsveinar valdstjórnarinnar stóðu ábúðarmiklir og gættu þess að fólkið léti að stjórn. Eftir að flestir voru farnir urðu sumir eftir - þar á meðal ég - og héldu áfram mótmælunum. Þegar löggunni sýndist fundurinn vera fjaraður út fjarlægði hún gula borðann sinn fína, svo við - 10-15 talsins - gengum auðvitað inn á lóð Stjórnarráðsins. Þaðan stjakaði lögreglan okkur burtu með valdi - og ég var meðal nokkurra sem hún bar á höndum sér af lóðinni. Engar skýringar: Valdstjórninni ber að hlýða vegna þess að annars stjórnar hún bara með valdi. Við eigum m.ö.o. að hlýða þeim vegna þess að þeir segja það. Háleit siðfræði þar á ferð.

Það er merkilegt - eiginlega ótrúlegt - að fylgjast með atferli löggunnar í svona sitúasjónum. Þegar hópur af krökkum er bersýnilega að storka löggunum bregðast þær við með fullkomlega fyrirsjáanlegum og reaktífum hætti: Það fýkur í þær og í stað þess að bíða í kortér þangað til krakkarnir nenna þessu ekki lengur og fara, þá fara þær að stympast við þá og reka burtu með valdi. Til að valdstjórnin haldi áfram að vera valdstjórn, þá getur hún ekki annað en sýnt vald sitt. Í stað þess að gefa þumlung eftir og spara öllum vesen, þá espast hún upp eins og smákrakki. Með hverjum er hún í liði? Hver er vandamálið, sá sem skrifar upp á stuðning við morð og mannréttindabrot, eða sá sem mótmælir morðum og mannréttindabrotum?

Auðvitað hvarflar það ekki að mér að breytingum verði komið til leiðar með svona reaktífum aðferðum. Reaktífar aðgerðir kalla bara á ennþá reaktífari gagnaðgerðir sem enginn græðir á þegar öllu er á botninn hvolft. Það er hægt að fara og mótmæla, koma heim með eplakinnar og góða samvisku, án þess að neinum breytingum hafi verið komið til leiðar. Það er líka hægt að fara og storka mönnum sem hafa það í starfslýsingunni að vera uppstökkir og óþolinmóðir og láta friðsama óhlýðniseggi ekki komast upp með múður. Afraksturinn er auðvitað sá að við næstu mótmæli verður sjálfsagt bara meiri viðbúnaður til að hafa stjórn á sitúasjóninni. Það er vafasamt að segjast hafa stjórn á sitúasjóninni ef fólk gerir allt sem það vill. Ef löggan gerir málamiðlanir, þá er hún að gefa eftir. Til að sýna að hún ráði þarf hún að vera að banna fólki eitthvað. Setja skilyrði. Skilyrði er fáránleg ef þau snúast um það sem fólk vill sjálft. Skilyrðin verða að banna því eitthvað svo að löggan geti framfylgt einhverju og þannig sýnt að hún ahfi vald. Annars getur hún ekki sagst hafa stjórn á málunum. Ef hún þokar þumlung í dag, þokar hún þá tvo þumlunga á morgun? Nei, þá brynjar hún sig bara meira og við borgum með skattpeningunum okkar.

En sem ég segi, þá hvarflar það ekki að mér að breytingum verði komið til leiðar með mótmælum. Borgaraleg óhlýðni er eitt -- góð og gild í sjálfu sér -- en hún kemur seint breytingum til leiðar ein og sér.

Mótmæli eru reaktíf. Ef þau eru friðsamleg, þá eru þau ekki þrýstingur á ráðamenn. Ófriðsamleg mótmæli skila sjaldan árangri vegna þess að það er einatt sá sterkari sem græðir á ofbeldi. Það eru meira en 70 ár síðan mótmælendur áttu síðast alls kostar við íslenska ríkisvaldið og maður sér ekki fyrir sér að það endurtaki sig í bráð, þannig að það væri tómt mál að tala um, fyrir utan alla hina gallana við slíkar aðferðir. Ef mótmælendurnir eru sterkari, geta þeir þá ekki eins unnið sína sigra friðsamlega? Valdið veit vel að það borgar sig ekki að leggja til atlögu við ofurefli. Ef það er hægt að vinna sigur með ofbeldi, þá hlýtur að vera hægt að vinna hann án ofbeldis.

Ef mótmæli eiga að skila árangri, þá þurfa þau að vera rosaleg. Til að hnekkja stuðningi ríkisstjórnarinnar við Íraksstríðið, þá dugar ekki 500-1000 manna fundur. Nei, það þarf tugþúsundir. 40.000 manna mótmælafundur, samhliða allsherjarverkfalli og þess háttar -- það gæti neytt stjórnina til að skipta um skoðun. En 400 manna fundur gerir það ekki og 4000 manna ekki heldur. 40.000 manna fundur gæti unnið áfangasigur eða varnarsigur, en framsækinn sigur ynnist ekki án þess að á ferðinni væri hreyfing sem stefndi leynt og ljóst að slíku. Vel skipulagður sósíalistaflokkur er það sem okkur vantar. Annars vegar sósíalistaflokkur, hins vegar manngrúi til að knýja áfram breytingarnar. Byltinguna.

Ég tek þátt í mótmælum og ég stunda borgaralega óhlýðni annað slagið. Ég ímynda mér ekki að það muni koma í kring breytingum. Hvers vegna geri ég það þá? Tja, ætli það sé ekki eigingjörn aðgerð, blanda af spennufíkn og útrás fyrir særða réttlætiskennd? Ég kem heim með eplakinnar og góða samvisku, en hef í raun ekki áorkað neinu.

Ég verð að viðurkenna að ég er orðinn þreyttur á þessu. Ég nenni ekki að eyða kröftum mínum eða tíma í tómt andóf. Pólitískur eldmóður minn fær ekki farsælan farveg ef sá farvegur er valinn af andstæðingunum. Til að vinna réttlætinu, frelsinu, friðnum og - í rauninni - mannkyninu sjálfu sigra, þá þarf maður að velja sjálfur sínar vígstöðvar, setja sjálfur skilyrðin, marka sjálfur stefnuna og framkvæma sjálfur breytingarnar. Sá sem setur traust sitt á einhverja aðra hefur ekki við neinn að sakast annan en sjálfan sig þegar þeir bregðast traustinu.

Ef einhver hefur áhuga á að koma á laggirnar annars konar stjórnmálaafli, þá er ég til viðræðu.

* Vantrúarsýning í Snarrót klukkan 20 í kvöld: Komið þangað.
* Mótmæli gegn Íraksstríði á Ingólfstorgi klukkan 14 á morgun: Komið líka þangað.

Úr fréttum:
* Írak: Maður handtekinn, grunaður um að hafa ætlað að myrða ekki ómerkilegri mann en ayatollah al-Sistani. Ef Sistani væri myrtur mætti búast við hrikalegum hefndum. M.ö.o., ef menn eru að reyna að auka enn á spennuna í Írak og espa innbyrðis átök Íraka, þá væri morð á al-Sistani stórt skref í þá átt.
* Indland: Naxalbari-skæruliðar snúið aftur til átaka í Vestur-Bengal eftir meira en 30 ára fjarveru.
* Nepal: Innanríkisráðuneytið segir að sjálfur Baburam Bhattarai, næst-æðsti maður í CPN (Maoist), hafi verið sviptur embætti og rekinn úr flokknum vegna ósættis við Prachanda formann og eftir misheppnaðar friðarviðræður við stjórnvöld. Maóistaflokkurinn vísar þessu hins vegar á bug. Er maóistaflokkurinn að klofna eða er hann ekki að klofna? Ég mun fylgjast grannt með gangi mála. Á sama tíma segir Dr. Tulsi Giri, sem er eins konar bráðabirgða-forsætisráðherra, að það komi ekki til greina að ræða um frið við maóistana. Krúnan tekur harða afstöðu gegn Deuba forsætisráðherra og gegn maóistunum. Nú er sjálfsagt lag fyrir maóistana að herða sóknina meðan krúnan er í þessari heimskulegu, þrjóskulegu klemmu. Ef þeir eru að klofna, þá hlýtur það að veikja þá og gera þeim erfiðara fyrir að nýta sér lagið þegar það gefst.

Ég veit fátt áhugaverðara en að ferðast, en samt geri ég allt of lítið af því sjálfur. Nú eru ýmsir sem ég þekki að leggja í hann í mjög spennandi ferðir ... meðan ég sit heima og lufsast yfir ritgerðinni minni. Ég vona að frá og með í vor takist mér að vera duglegri við þetta, að ferðast. Bæði innan lands og utan. Talandi um ferðalög innanlands, þá er verið að plana næstu vettvangsferð Hins íslenska tröllavinafélags. Þeir sem vilja vita af því eru hvattir til að senda félaginu tölvupóst: trollavinafelag@gmail.com ...og skrá sig. Nafn, heimilisfang (þ.m.t. póstnúmer), netfang og símanúmer. Félagsgjöld eru lág og starfsemin mjög skemmtileg.
~~~ ~~~ ~~~ ~~~
Í gær át ég niðursoðinn pottrétt og súkkulaðistykki. Það væri ekki í frásögur færandi nema vegna þess að hvort tveggja var framleitt árið 1990. Það var allt í algi með það. Góður árgangur.

Gleymið ekki mótmælunum á morgun. Absalútt skyldumæting. Skilti, fánar, trompetar og pottlok. Skyrfötur og mykjudreifarar.
~~~ ~~~ ~~~ ~~~
Í dag er á Vantrú.net opið bréf til Egils Helgasonar vegna fyrirhugaðs viðtals hans við Karl Sigurbjörnsson í Silfri Egils á sunnudaginn.
~~~ ~~~ ~~~ ~~~
Talandi um Vantrú.net, þá er í kvöld þriðja föstudagskvöld af fjórum í fyrirlestra- og kvikmyndahátíð Vantrúar. Klukkan 20 verða sýndir tveir fyrirlestrar í Snarrót í Garðastræti 2. Phil Plaitt: "The Search for planet X" og Dan Garvin: "Adventures in Scientology" með umræðum á eftir. Ókeypis inn og allir velkomnir. Ég hvet fólk til að koma.
~~~ ~~~ ~~~ ~~~
Frétt RÚV um íslensku hryðjuverkalögin:

SÞ: Íslensk hryðjuverkalöggjöf ónákvæm
Íslensk lög gegn hryðjuverkum eru nú undir smásjá Mannréttindanefndar Sameinuðu þjóðanna. Átján sérfræðingar í lögum skipa Mannréttindanefndina. Í umfjöllun nefndarinnar um íslensk hegningarlög þótti kaflinn um hryðjuverkastarfsemi ónákvæmur.
...
Mannréttindanefnd SÞ finnst íslenska löggjöfin ónákvæm og að hætta sé á að þeim lögum verði beitt gegn þeim sem mótmæla með friðsamlegum hætti. Ákvæði í lögunum kveða á um allt að lífstíðarfangelsi fyrir hryðjuverk.

Franskur sérfræðingur SÞ í mannréttindamálum, Christine Chanet, benti íslenskum fulltrúum sem komu fyrir nefndina í vikunni á að giltu íslensku lögin gegn hryðjuverkum í Frakklandi væru margir franskir bændur trúlega dæmdir hryðjuverkamenn. Í hegningarlögum er almennt ákvæði um umferðaröryggi. Væri því beitt myndu t.d. bændur sem mótmæla kjörum sínum og aka í því skyni með heyvagn út á þjóðveg til að trufla umferð flokkast sem hryðjuverkamenn. Eða þeir sem standa að friðsamlegum mótmælum.

~~~ ~~~ ~~~ ~~~

CRAP ARREST OF THE WEEK

For rocking against recruitment

Three anti-war students were banged up for doing a bit of light
chanting in the halls of the City College of New York to protest
against the army being at a careers fair. To stop one of the
protestors getting through their first verse, one agitated private
security guard politely smashed his head into a wall. They were
then arrested and charged with assault, resisting arrest, and
disturbing the peace. One student has also been suspended from the
University for "posing a continuing danger" while a member of
staff has also been nicked in connection with the protest. Thanks
to the Iraq war, recruitment is down for the US army, and they are
facing protests whenever they appear on student campuses.
www.campusantiwar.net

Lýðræðislegt umboð forseta og forsætisráðherra?

Halldóri Ásgrímssyni finnst stjórnarskráin ekki vera heilagt plagg. Eigum við ekki að vera sammála honum? Hann hlýtur að hafa rétt fyrir sér. Annars væri hann varla forsætisráðherra. Annars hefði meirihluti Íslendinga varla kosið hann. Bíddu við, meirihluti Íslendinga kaus hann ekki! Æi, best að vera samt sammála honum. Hann ræður hvort sem er. Hverju skiptir hvort hann hefur rétt fyrir sér eða ekki? Hverju skiptir það? Það er ekki eins og hann eigi nokkur tímann eftir að skipta um skoðun. Hægrimenn tönnlast á því hvað Ólafur Ragnar Grímsson sé ómerkilegur og hvað fáir hafi nú kosið hann. Hann fékk samt margfalt fleiri atkvæði en Halldór Ásgrímsson. Ef Ólafur fær fá atkvæði og veitir Halldóri síðan stjórnarmyndunarumboð, hvaða stöðu er Halldór þá í? Hann hefur fá atkvæði á bak við sig. Hann ríkir í umboði forseta sem er líka með fá atkvæði á bak við sig. Núna þegar skítur síðasta áratugar kemur upp á yfirborðið er það Halldór sem er forsætisráðherra og fær hann á sig. Davíð Oddsson situr í skjóli í utanríkisráðuneytinu og sleppur billega. Halldóri verður slátrað í næstu kosningum. Ætli Davíð verði ekki annaðhvort forsætisráðherra næsta kjörtímabil eða utanríkisráðherra í ríkisstjórn Ingibjargar Sólrúnar Gísladóttur?

Ég hef skipt um afstöðu í máli Bobbys Fischer. Í stað þess að vera frekar sama um hvort hann fær íslenskan ríkisborgararétt eða ekki, þá hef ég ákveðið að gerast eindreginn stuðningsmaður þess að hann fái hann. Ef Bobby Fischer fær ríkisborgararétt sem einhvers konar flóttamaður, er þá ekki komið fordæmi sem gerir yfirvöldum erfiðara fyrir að meina flóttamönnum framtíðarinnar um aðgang? Með réttindi flóttamanna í huga tek ég því hér með afstöðu með því að Bobby Fischer fái hæli á Íslandi eins lengi og hann sjálfur vill.
~~~ ~~~ ~~~ ~~~
Af öllum mönnum, Wolfowitz í Alþjóðabankann. Minnir okkur á hvaða rullu Alþjóðabankinn spilar í heimskapítalismanum og hinni nýju heimsskipan. Eitt af valdatækjum hnattrænnar valdastéttar með bandarísku valdastéttina í forystu. Vei þeim sem vill ekki vera með. Alþjóðabankinn (WB). Alþjóða gjaldeyrissjóðurinn (IMF). Alþjóða viðskiptamálastofnunin (WTO). Bretton Woods-kerfið, hannað til að þrýsta á meiri einkavæðingu (=meiri gróða), minni ríkisumsvif (=minni samfélagsumsvif), minna velferðarkerfi (=minni velferð), opnari fjárfestingu (=minni samfélagslega ábyrgð kapítalista), greiðari straum auðmagns milli landa (=úr landi). Þetta and-húmaníska kerfi sem þjónar þörfum auðmagns og auðvalds. Hver gæti verið betri kandídat til að halda utan um þetta en Paul Wolfowitz?
"Wolfowitz to Rule World (Bank)" er líka góð grein.
~~~ ~~~ ~~~ ~~~
Lesið ágæta grein þar sem borin er saman þróunin í Þýskalandi á árunum fyrir stríð og í Bandaríkjunum nú í dag.
~~~ ~~~ ~~~ ~~~
Á MSNBC er sagt:

The system the CIA relies on to ensure that the suspected terrorists it transfers to other countries will not be tortured has been ineffective and virtually impossible to monitor, according to current and former intelligence officers and lawyers, as well as counterterrorism officials who have participated in or reviewed the practice.

WELL DUH gæti maður sagt. Stofnun sem stundar ekki bara kerfisbundnar pyndingar (með útboðum og verktökum og allt) heldur rekur sérstaka skóla í listinni við pyndingar og hryðjuverk, auk þess að nota allar smugur laganna til að kalla pyndingar ekki pyndingar heldur "þrýsting á líkamlegt þol" fólks og eitthvað ... ekki með dugandi kerfi til að vernda fórnarlömb sín fyrir pyndingum? WELL DUH!

Björk Guðmundsdóttir segist vilja að trúarbrögð yrðu afnumin. Ég tek undir það. Gott hjá henni.

Wolfowitz tilnefndur sem forseti Alþjóðabankans. Bush segir að hann sé "brjóstgóður og heiðarlegur" ... en Bush er nú ómerkur orða sinna eins og dæmin sanna. Ég get varla hugsað mér verri kandídat en Wolfowitz til að stýra Alþjóðabankanum. Á hinn bóginn, þá býst maður við að hann verði fyrir valinu.
~~~ ~~~ ~~~ ~~~
Merkilegur annars þessi yfirlætislegi sjálfbirgingsháttur og hrokafulla stærilæti Vesturlandabúa þegar málefni þriðja heimsins eru annars vegar. Allra bragða er neytt til að hafa tangarhald á fátækum löndum svo hægt sé að arðræna þau. Fátæk lönd eru gagnrýnd fyrir að hafa spillt og óskilvirk stjórnkerfi ... en hvernig er hægt að reka skikkanlegt stjórnkerfi þegar hvorki eru til peningar né stétt menntamanna? Spilling er síðan hugtak sem getur verið vafasamt að alhæfa of mikið um. Það getur t.d. verið fín lína milli spillingar og trausts. En það er auðvelt fyrir okkur Vesturlandabúa að benda á gallana í þriðja heiminum úr þessum fullkomnu löndum okkar. Það er ekkert að hjá okkur, er það nokkuð? Við megum gagnrýna af því við erum fullkomin, ekki satt?
Bandaríkjastjórn talar um mannréttindi og alþjóðalög eins og hún standi ofar í brekku siðferðisins (e. moral high ground) en Íran, Sýrland og fleiri lönd ... kaldhæðnislegt til þess að hugsa. Ríki sem hefur hærra hlutfall af þegnum sínum á bak við lás og slá en nokkuð annað, tekur börn af lífi og starfrækir pyndingabúðir um víða veröld og hefur útboð til að finna hagkvæmasta verktakann til að sjá um pyndingarnar. Talar svo um að draga menn eins og Saddam fyrir rétt, en neita sjálfir að taka þátt í Alþjóða stríðsglæpadómstólnum og hunsa samþykktir Sameinuðu þjóðanna eins og þá lystir.
~~~ ~~~ ~~~ ~~~
Enski fundurinn í gærkvöldi heppnaðist ágætlega, held ég. Mætingin var frekar góð. Ögmundur Jónsson talaði um kúbönsku byltinguna og stöðu hennar í dag, m.a. með tilliti til Venezuela og þróunarinnar þar. Mér fannst hann flytja mál sitt skörulega og ítarlega og fróðlegt á að hlýða. Eftir tvær vikur, 29. mars, mun Valur Gunnarsson halda enska framsögu um íslensku málaliðana í Afghanistan.

Er ekki ógeðslegt að nota Helförina í áróðursskyni fyrir því að "tilvist Ísraels sé nauðsynleg"? Mér finnst þetta blátt áfram ósmekklegt. Helförin var nógu hræðileg, þótt hún sé ekki notuð í áróðursskyni til frekari óhæfuverka.

Það er einn svipur sem ég set oft upp, án þess að nein sérstök ástæða sé fyrir því, svipur sem ég er satt að segja ekki viss hvað þýðir. Ég hef notað hann árum saman án þess að vera viss um hvaðan hann kom upphaflega. Ég hef séð menn setja hann upp, svipað því sem ég geri, yfirleitt skeggjaða menn, og frekar tannlausa en tennta. Þennan svip er auðveldara að gera ef maður er tannlaus, en hann fer betur ef maður er vel skeggjaður.
Í gær var ég á gangi heim til mín utan úr háskóla - með svipinn góða á andlitinu - og fór yfir Hringbraut hjá Landsbókasafninu. Þar sem ég geng yfir túnið fyrir sunnan kirkjugarðinn verður mér litið upp og sjá: Ég horfðist í augu við mann með sama svip og ég. Styttan "Útlaginn" er með nákvæmlega sama svipinn. Þetta er semsagt útlagasvipurinn og verður aldrei nefndur annað hér eftirleiðis.

Í kvöld (þriðjudagskvöld) klukkan 20:00 er málfundur á ensku í Snarrót: Ögmundur Jónsson hefur framsögu um kúbönsku byltinguna og stöðuna í dag, m.a. með tilliti til gangs mála í Venezuela. Umræður á eftir. Fundurinn fer fram á ensku. Ef þið þekkið útlendinga sem eru staddir á Íslandi og vilja taka þátt í grasrótarstarfi, látið þá endilega vita. Sams konar fundir verða annan hvern þriðjudag út maí. Sjá heimasíðu Snarrótar.
~~~ ~~~ ~~~ ~~~
Jón Einarsson lætur Karl Sigurbjörnsson heyra það út af þessari ljótu predikun um daginn. Orð í tíma töluð.
~~~ ~~~ ~~~ ~~~
Í gær voru víst liðin 122 ár frá því Karl Marx dó í svefni, sitjandi í hægindastól í íbúðarholu sinni í London. Í gær var líka pí-dagurinn, 14. mars, sem á ensku er táknaður 3.14 = pí.
~~~ ~~~ ~~~ ~~~
19. mars næstkomandi eru stærðarinnar mótmæli gegn Íraksstríðinu ef það skyldi hafa farið fram hjá einhverjum. Skyldumæting fyrir þá sem eru á móti því að saklausir borgarar séu myrtir!

Ég hef komist að því að ruglið sem hefur verið hér á hliðar-dálknum á blogginu var vegna þess að templates duttu að mestu leyti út og hurfu.
Sem betur fer eru ekki nema 2 eða 3 dagar síðan ég tók öryggisafrit af þeim. Uss, en sú heppni gæti einhver sagt, en ætli maður geri ekki orð Dr. Victor von Doom að sínum: Heppni er fyrir heimskingja, sá sterki er forsjáll.
~~~ ~~~ ~~~ ~~~
Það er annars nóg að gerast í félagsstörfunum. Annað kvöld klukkan 20 er fyrirlestur Ögmundar Jónssonar um nýafstaðna ferð sína til Kúbu, og umræður á eftir. Sá fundur verður á ensku og sérstaklega hugsaður til að koma til móts við þá sem eru hér á Íslandi án þess að vera of sleipir í íslensku, en vilja samt geta tekið þátt í grasrótarstjórnmálum eða hafa einfaldlega áhuga á pólitík. Þið ykkar sem lesið þetta og þekkið til útlendinga á Íslandi, endilega látið þá vita af fundinum.

Ef það er satt, sem Abbas segir, þá er þess varla langt að bíða að sprengjuárás tæti í sundur pitsustað í Tel Aviv eða strætóstoppistöð í Megiddo. Sprengjuárás skipulögð og framkvæmd af útsendurum ísraelskra hægrimanna, sem herskáum Palestínumönnum verður kennt um, og notuð sem átylla til að rústa hús, drepa fólk og hleypa öllu í bál og brand. Þess er varla langt að bíða.
~~~ ~~~ ~~~ ~~~
Hér getur að líta vandaða úttekt á ástandinu í Nepal, innri og ytri aðstæðum, geó-pólitískum álitamálum, vanhugsaðri stjórnlist konungsins, styrk maóistanna en um leið mistökum sem þeir hafa gert, og þriggja hliða átökum síðustu ára.
~~~ ~~~ ~~~ ~~~
Þessi karl sem var ráðinn fréttastjóri RÚV hefði örugglega hvergi verið ráðinn nema í bananalýðveldi eins og Íslandi.

Svona fréttir finnst mér hljóma eins og martröð ... og ég fyllist óhug við tilhugsunina um að þetta er ekki martröð, þetta er alvöru. Bandaríkjastjórn stundar kerfisbundnar pyndingar á fólki. Þetta eru mennirnir sem íslenska valdastéttin vill binda trúss sitt við. Við hin getum þá sagt okkur sjálf hvað til okkar friðar heyrir!

Hið íslenska tröllavinafélag fór í gær á slóðir Jóru tröllkonu í Ölfusi og sunnan Þingvallavatns. Skemmst er frá því að segja að ferðin heppnaðist prýðilega vel! Henni verða gerð nánari skil í næsta tölublaði Tröllafrétta, sem ætti að koma út eftir 3 vikur eða svo og er sent öllum skráðum félögum í Hinu íslenska tröllavinafélagi.

Hefur morðið á Rafiq Hariri verið upplýst?
~~~ ~~~ ~~~ ~~~
Einkavæðing leyniþjónustunnar?

Vantrúarsýning og ensk framsaga

Í kvöld klukkan 20:00 býður Vantrú.net í bíó. Mótmælandi Íslands verður sýndur, myndin um Helga Hóseasson, og umræður á eftir. Aðgangur er ókeypis og allir velkomnir meðan húsrúm leyfir. Staðsetning: Snarrót í Garðastræti 2. Nýtið nú tækifærið að sjá þessa frábæru mynd!
~~~ ~~~ ~~~ ~~~
Á þriðjudaginn verður fundur á ensku í Snarrót, sá fyrsti í 6 funda röð. Ögmundur Jónsson heldur framsögu um hvað er að gerast á Kúbu um þessar mundir og hvernig samstarf Kúbu og Venezuela er háttað, en hann er nýkominn frá Havana. Framsagan verður, sem áður segir, á ensku, og á eftir eru umræður á ensku. Allir eru velkomnir, en fundinum er sérstaklega ætlað að koma til móts við þá sem eru ekki sleipir í íslensku. Þeir sem vilja fá nánari upplýsingar um fundinn eða plaköt til að hengja upp til að auglýsa hann - eða segja erlendum vinum, skólafélögum eða vinnufélögum frá - mega hafa samband við mig: vangaveltur@yahoo.com og fá sent plakat um hæl.

Mér hrýs hugur við að sjá meðborgara mína fljóta sofandi að feigðarósi; keyrandi um á bensínhákum, skilja einkabílinn eftir í gangi, ferðast einn maður í hverjum bíl. Ef orkan sem fer í að framleiða olíu væri reiknuð sem kostnaður, þá væri hún töluvert mikið dýrari en hún er ... en hvers virði er náttúra fortíðarinnar? Í nafni framtíðar mannkynsins væri réttlætanlegt að taka í taumana. Þessir einkabílar eru ekkert nema bruðl og hégómi og það á eftir að reynast okkur dýrt þótt síðar verði að geta ekki drullast til að sýna smá nægjusemi.
Birgir Baldursson reit komment:

Iss, samkvæmt honum mofa okkar er ekkert mál að framleiða skyndiolíu, þetta tekur víst ekkert milljónir ára eins og við höldum.

Af hverju ætli ég trúi honum ekki?

Það er ekki skrítið að þú skulir ekki trúa honum, en reyndar mun þetta vera rétt hjá honum. Það er hægt að framleiða olíu úr lífrænum efnum og það á nokkrum klukkustundum. Og nei, þetta er ekki lausnin við vandanum. Orkan sem fæst úr þessari olíu er nefnilega miklu minni en orkan sem fer í að framleiða hana. Það voru notaðir kalkúnar í þessa framleiðslu. Það sér hver maður að ef það kostar 100X af orku að framleiða kalkúnana og 50X að vinna úr þeim olíu sem aftur má vinna úr 15X af orku, þá er það ekki gáfulegur bissness.

Já, það kann að hljóma hrokafullt að ég skuli tala svona um meðborgara mína. Það er ekki eins og líf mitt sé óháð olíu heldur. Ég reyni að vísu að nota einkabíl eins lítið og ég get (sem er lítið), en í samfélagi sem er sniðið að þörfum einkabílsins og stórneytandans er kannski ekki skrítið að flestum þyki þægilegast að geta henst á bíl út í sjoppu. Hvað fólk á eftir að sjá eftir þessu eftir nokkur ár. Við erum engu betri en dýr eða gerlar sem af fullkominni óforsjálni nýta sér allar lífsbjargir sem þau geta og drepast svo úr hungri þegar þær þrýtur. Við höldum að við séum svo merkileg, svo öðruvísi, svo æðri heimskum skepnum. Erum við það í alvörunni?

Ég geng úti á götu, og sé framundan mér kunningja minn og hann sér mig. Tveim metrum fyrir aftan hann gengur annar kunningi minn. Hann sér mig líka, en þeir þekkjast ekki. Hvað geri ég? Get ég kinkað kolli til annars en tekið hinn tali? Get ég heilsað báðum jafnt og móðgað báða með því að taka hvorugan tali? Get ég ávarpað þá báða í einu: "Sælir"? Get ég snúist á hæli, hlaupið burt og orðið aðhlátursefni eða undrunarefni beggja?
Ég þoli ekki þegar þetta gerist. Í gærkvöldi slapp ég naumlega: Rakst fyrst á frv. vinnufélaga og andartaki síðar á þessa gömlu sál en með nægilegu millibili til þess að staðan yrði alls ekkert afkáraleg. Heppni var það.

Meðal annarra frásagnarverðra atburða gærdagsins má nefna (í tímaröð):
* Hóf daginn á neytendakönnun hjá Rannsóknastofnun fiskiðnaðarins og át 200 g af eintómum soðnum þorski. Það var reyndar síður en svo slæmt.
* Gekk frá lausum endum varðandi ýmislegt sem ég er að bauka.
* Fór erinda Hins íslenska tröllavinafélags og keypti fundargögn í verslun einni í Austurstræti.
* Lærði að tefla hnefatafl.
* Fékk snillinginn Þórarinn haka til að búa til þetta plakat.
* Sá Eddie Izzard. Hann var skemmtilegur. Þorsteinn Guðmundsson og Pétur Jóhann Sigfússon hituðu upp. Þeir voru líka skemmtilegir.
* Tók mína fyrstu næturvakt á Grund. Það er skemmst frá því að segja, að ég lít svo á að ég sé ennþá að leita mér að nýrri vinnu.

Svo það sé lýðum ljóst, þá eru (misjafnlega) rótarleg komment, sem upp á síðkastið hafa birst á a.m.k. þrem bloggum, ekki verk þeirra sem nefndir eru sem höfundar. Rótarleg komment á bloggi Arnar Arnarsonar eru ekki frá mér komin, komment eignuð honum á mínu bloggi eru ekki frá honum, og a.m.k. eitt komment á bloggi Ágústar Borgþórs sem er eignað mér er ekki frá mér heldur. Ég veit ekki hver var að verki, en þætti vænt um að sá hinn sami hætti þessum barnaskap og fyndi sér eitthvað verðugra viðfangsefni en að reyna að skaprauna siðprúðum ungum mönnum.